തിരുവനന്തപുരം: 2025-26 അധ്യയന വര്ഷത്തെ എന്ജിനീയറിങ്, ഫാര്മസി കോഴ്സിലേക്കുള്ള (കീം 2025) കമ്പ്യൂട്ടര് അധിഷ്ഠിത പരീക്ഷാതീയതിയും സമയവും പ്രസിദ്ധീകരിച്ചു. ഏപ്രില് 23 മുതല് 29 വരെയാണ് കീം പരീക്ഷ നടക്കുക. ഇതിനുള്ള സമയക്രമവും മറ്റു വിവരങ്ങളും പരീക്ഷാ കമ്മീഷണര് പ്രസിദ്ധീകരിച്ചു.
ഏപ്രില് 23നും 25 മുതല് 28 വരെയും ഉച്ചയ്ക്ക് 2 മുതല് 5 വരെ എന്ജിനീയറിങ് പരീക്ഷയും 24 ന് 11.30 മുതല് 1 വരെയും 3.30 മുതല് 5 വരെയും 29 ന് 3.30 മുതല് 5 വരെയും ഫാര്മസി പരീക്ഷയും നടക്കും. എഞ്ചിനീയറിങ് പരീക്ഷയില് പങ്കെടുക്കുന്ന വിദ്യാര്ഥികള് പരീക്ഷയ്ക്ക് 2 മണിക്കൂര് മുമ്പ് പരീക്ഷാ കേന്ദ്രത്തില് റിപ്പോര്ട്ട് ചെയ്യണം. വിശദവിവരങ്ങള്ക്ക് : www.cee.kerala.gov.in, ഹെല്പ് ലൈന് : 0471 2525300
