യാത്രക്കാരിക്ക് പെട്രോൾ പമ്പില്‍ ശ്യചിമുറി തുറന്നു കൊടുത്തില്ല പരാതിയിൽ 1.65 ലക്ഷം പിഴ

/

ടോയ്​ലറ്റ്​ ഉപയോഗിക്കാന്‍ നല്‍കാത്ത പെട്രോൾ പമ്പുടമക്കെതിരെ 1.65 ലക്ഷം രൂപ പിഴയിട്ട് പത്തനംതിട്ട ഉപഭോക്തൃ തർക്കപരിഹാര കമീഷൻ. പരാതിക്കാരിക്ക്​ 1,50,000 രൂപ നഷ്‌ടപരിഹാരവും 15,000 രൂപ കോടതി ചെലവും ചേർത്ത് 1,65,000 രൂപ നൽകാനാണ് വിധി.

പത്തനംതിട്ട അടൂർ ഏഴകുളം ഊരകത്ത് ഇല്ലംവീട്ടിൽ അധ്യാപികയായ സി.എൽ. ജയകുമാരി നൽകിയ പരാതിയിലാണ്​ കോഴിക്കോട് പയ്യോളി തെനംകാലിലെ പെട്രോൾ പമ്പുടമ ഫാത്തിമ ഹന്ന പിഴ അടക്കേണ്ടത്​. 2024 മേയ് എട്ടിന്​ ജയകുമാരി കാസർകോട്ടുനിന്ന്​ ഏഴംകുളത്തെ വീട്ടിലേക്ക് കാറിൽ വരവേ രാത്രി 11ന്​ പെട്രോൾ പമ്പിൽ കയറി ഇന്ധനം നിറച്ചശേഷം ടോയ്​ലറ്റ്​ ഉപയോഗിക്കാൻ പോയപ്പോൾ അത്​ അടച്ചിട്ടിരിക്കുകയായിരുന്നു.

താക്കോലുമായി മാനേജർ വീട്ടിൽ പോയെന്നായിരുന്നു ജീവനക്കാരുടെ മറുപടി. തുടർന്ന്​ പയ്യോളി പൊലീസ്​ ഇടപെട്ട്​​ ടോയ്‌ലറ്റ് തുറന്നുനൽകി. ഇതേതുടർന്ന്​ നൽകിയ പരാതിയിൽ​ പൊലീസ്​ കേസെടുത്തിരുന്നു. പെട്രോൾ പമ്പിൽ ടോയ്‌ലറ്റ് സൗകര്യം നൽകണമെന്ന്​ നിബന്ധനയുണ്ടെന്ന്​ കമീഷൻ ചൂണ്ടിക്കാട്ടി. കമീഷൻ പ്രസിഡന്‍റ്​ ബേബിച്ചൻ വെച്ചൂച്ചിറയും അംഗമായ നിഷാദ് തങ്കപ്പനും ചേർന്നാണ് വിധി പ്രസ്താവിച്ചത്.

 

Leave a Reply

Your email address will not be published.

Previous Story

കൊയിലാണ്ടി ബീച്ച് റോഡിൽ ഫാസ് ഹൗസിൽ സമീർ അന്തരിച്ചു

Next Story

സംസ്ഥാനത്ത് ഇന്നും ഇടിമിന്നലോടു കൂടിയ വേനൽ മഴക്ക് സാധ്യതയുണ്ടെന്ന് കാലാവസ്ഥ വകുപ്പിന്റെ മുന്നറിയിപ്പ്

Latest from Local News

കോഴിക്കോട് കൊമ്മേരിയിൽ വീടിനോട് ചേർന്നുള്ള പൊതു കിണർ പത്ത് മീറ്ററോളം താഴ്ന്നു

കോഴിക്കോട് കൊമ്മേരിയിൽ വീടിനോട് ചേർന്നുള്ള പൊതുകിണർ പത്ത് മീറ്ററോളം താഴ്ച്ചയിലേക്ക് അസാധാരണമായ വിധം താഴ്ന്ന് സമീപത്തെ 4 വീടുകൾക്ക് ഭീഷണി. മീഞ്ചന്തയിൽ

മരുതൂർ ഗവൺമെൻറ് എൽ പി സ്കൂളിൽ വായന പക്ഷാചരണ സമാപനവും വിവിധ ക്ലബ്ബുകളുടെ ഉദ്ഘാടനവും നടന്നു

കൊയിലാണ്ടി: മരുതൂർ ഗവൺമെൻറ് എൽ പി സ്കൂളിൽ വായന പക്ഷാചരണ സമാപനവും വിവിധ ക്ലബ്ബുകളുടെ ഉദ്ഘാടനവും നടന്നു. പരിപാടിയിൽ ഹെഡ്മിസ്ട്രസ് ടി

പൂക്കാട് കലാലയം പുതിയ ഭാരവാഹികളെ തിരഞ്ഞെടുത്തു

പ്രാദേശിക കലാകാരന്മാരെയും കലാപ്രവർത്തകരേയും തദ്ദേശ സ്വയംഭരണ വകുപ്പുകൾ അറിഞ്ഞാദരിക്കുകയും അംഗീകാരങ്ങൾ നൽകുകയും ചെയ്യണമെന്ന് പൂക്കാട് കലാലയം ജനറൽ ബോഡി യോഗം ആവശ്യപ്പെട്ടു.