സമ്പൂര്ണ്ണ മാലിന്യമുക്ത നവകേരളം രണ്ടാംഘട്ടം ക്യാമ്പയിന് പ്രവര്ത്തനങ്ങളില് പന്തലായനി ബ്ലോക്കില് ഏറ്റവും മികച്ച പ്രവര്ത്തനം നടത്തിയ പഞ്ചായത്തായി ചേമഞ്ചേരിയെ തിരഞ്ഞെടുത്തു. ഹരിത കര്മ്മസേന മുഖേനയുള്ള അജൈവമാലിന്യ സംസ്കരണം, വീടുകളുടെയും സ്ഥാപനങ്ങളുടെയും ജൈവമാലിന്യത്തിനുള്ള ഉപാധികളുടെ വിതരണം, ഹരിത സ്ഥാപനങ്ങള്, ഹരിത സ്കൂളുകള്, ഹരിത അയല്ക്കൂട്ടങ്ങള്, ഹരിത വിനോദസഞ്ചാര കേന്ദ്രങ്ങള്, ഹരിത ടൗണുകള് എന്നീ പ്രവര്ത്തനങ്ങളാണ് വിലയിരുത്തിയത്. മികച്ച വ്യാപാരസ്ഥാപനമായി തിരുവങ്ങൂരിലെ കേരള ഫീഡ്സിനെയും മികച്ച ഹരിത പൊതു ഇടമായി കാപ്പാട് ബീച്ചിനേയും തിരഞ്ഞെടുത്തു. പഞ്ചായത്തിലെ മുഴുവന് വീടുകളിലും അങ്കണവാടികള് ഉള്പ്പെടെയുള്ള സ്ഥാപനങ്ങളിലും ജൈവമാലിന്യ സംസ്കരണ ഉപാധികള് വിതരണം ചെയ്തിരുന്നു.
കോഴിക്കോട് കോര്പ്പറേഷന് മേയര് ബീന ഫിലിപ്പില് നിന്നും പഞ്ചായത്ത് പ്രസിഡന്റ് സതി കിഴക്കയില്, സെക്രട്ടറി ടി. അനില്കുമാര്, സ്ഥിരം സമിതി അധ്യക്ഷ അതുല്യ ബൈജു എന്നിവര് ചേര്ന്ന് അവാര്ഡ് ഏറ്റുവാങ്ങി.
മാലിന്യമുക്തം നവകേരളം ജനകീയ ക്യാമ്പയിന് ചേമഞ്ചേരി പന്തലായനി ബ്ലോക്കിലെ മികച്ച ഗ്രാമപഞ്ചായത്തായി തിരഞ്ഞെടുത്തു
