വാകമോളി എ എൽ പി സ്കൂളിൻ്റെ 98ാം വാർഷികാഘോഷവും യാത്രയയപ്പും നോവലിസ്റ്റ് യു.കെ കുമാരൻ ഉദ്ഘാടനം ചെയ്തു

അരിക്കുളം വാകമോളി എ.എൽ.പി സ്കൂളിൻ്റെ 98ാം വാർഷികാഘോഷവും വിരമിക്കുന്ന പ്രധാനാധ്യാപിക കെ.എം.ലൈല ടീച്ചർക്കുള്ള യാത്രയയപ്പും നോവലിസ്റ്റ് യു.കെ കുമാരൻ ഉദ്ഘാടനം ചെയ്തു. അരിക്കുളം ഗ്രാമപഞ്ചായത്ത് പ്രസിഡണ്ട് എ.എം സുഗതൻ മാസ്റ്റർ അധ്യക്ഷത വഹിച്ചു. മാനേജ്മെൻ്റ് പ്രതിനിധി തയ്യിൽ രാമകൃഷ്ണൻ ഉപഹാര സമർപ്പണം നടത്തി. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ നജീഷ് കുമാർ എൽ എസ് എസ് വിജയികളെ അനുമോദിച്ചു. രജിന ടീച്ചർ റിപ്പോർട്ടവതരിപ്പിച്ചു. വാർഡ് മെമ്പർ കെ.എം അമ്മത് മുൻ പഞ്ചായത്ത് പ്രസിഡണ്ടുമാരായ എ.കെ.എൻ. അടിയോടി, സി രാധ എന്നിവരെ കൂടാതെ ടി. താജുദ്ദീൻ, ശശി ഊട്ടേരി, ഇ.വേണു, ആവള മുഹമ്മദ്, പ്രദീപൻ കണ്ണമ്പത്ത്, ടി.പി സുനിൽ എന്നിവർ ആശംസകൾ നേർന്നു.  ലൈല ടീച്ചർ മറുപടി പ്രസംഗം നടത്തി. പി.ടി.എ പ്രസിഡണ്ട് വിജില പി.ടി സ്വാഗതവും രാകേഷ് ടി നന്ദിയും പറഞ്ഞു. വാർഷികത്തോടനുബന്ധിച്ച് നടന്ന പൂർവാധ്യാപക വിദ്യാർഥി സംഗമത്തിൽ കവി ഡോക്ടർ മോഹനൻ നടുവത്തൂർ സംസാരിച്ചു. കുട്ടികളും പൂർവ വിദ്യാർഥികളും അവതരിപ്പിച്ച കലാപരിപാടികൾ കൂടാതെ കണ്ണൂർ മിഴി അവതരിപ്പിച്ച നാടൻ പാട്ടുകളുടെ ദൃശ്യാവിഷ്കാരവും അരങ്ങേറി.