നാല് കേരള ഭാഗ്യക്കുറിയുടെ പേര് മാറ്റി. അക്ഷയ, വിൻ‑വിൻ, ഫിഫ്റ്റി-ഫിഫ്റ്റി, നി‍ര്‍മല്‍ എന്നീ ഭാഗ്യക്കുറികളുടെ പേരുകളാണ് മാറുന്നത്. സമൃദ്ധി, ധനലക്ഷ്മി, ഭാഗ്യധാര, സുവർണകേരളം എന്നിവയാണ് പുതിയ പേരുകള്‍. എല്ലാ ടിക്കറ്റുകളുടെയും സമ്മാനത്തുകയും 1 കോടി രൂപയാക്കി. ടിക്കറ്റ് വില 40 രൂപയില്‍ നിന്ന് 50 രൂപയാക്കിയിട്ടുണ്ട്. ഈ മാസം അവസാനത്തോടെ ഈ മാറ്റങ്ങള്‍ പ്രാബല്യത്തില്‍ വരും.
ഏറ്റവും കുറഞ്ഞ സമ്മാനത്തുക 100 രൂപയില്‍ നിന്ന് 50 രൂപയാക്കി കുറച്ചിട്ടുണ്ട്. ഇതുവരെ 3 ലക്ഷം സമ്മാനങ്ങള്‍ നല്‍കിയിരുന്നത് 6.5 ലക്ഷമാക്കി ഉയർത്തി. ആകെ 24.12 കോടി രൂപ വിതരണം ചെയ്യും. രണ്ടാം സമ്മാനം പരമാവധി 10 ലക്ഷം രൂപ എന്നത് 50 ലക്ഷമാക്കിയിട്ടുണ്ട്. 1 ലക്ഷം രൂപയുടെ മൂന്നാം സമ്മാനം 5 മുതല്‍ 25 ലക്ഷം രൂപ വരെയാകും. അവസാന നാലക്കത്തിന് നല്‍കിയിരുന്ന ഏറ്റവും വലിയ സമ്മാനത്തുക 5000 രൂപയുടെ എണ്ണം 23ല്‍ നിന്ന് 18 ആക്കി കുറക്കുകയും ചെയ്തിട്ടുണ്ട്.
