കേരളത്തില സർക്കാർ ആശുപത്രികളിൽ ജനാധിപത്യ രീതിയിൽ രൂപീകരിക്കപ്പെട്ടിട്ടുള ആശുപത്രി വികസന സമിതികൾ മുഖേന നിയമിക്കപ്പെട്ടിട്ടുള്ള
ജീവനക്കാരുടെ സംഘടനയാണ് കേരള ഗവൺമെൻ്റ് ഹോസ്‌പിറ്റൽ ഡെവലപ്മെൻ്റ് സൊസൈറ്റി എംപ്ലോയീസ് യൂണിയൻ (സി. ഐ.ടി. യു.) ആരോഗ്യമേഖലയിൽ മെഡിക്കൽ കോളേജുകൾ മുതൽ പ്രാഥമിക ആരോഗ്യ കേന്ദ്രങ്ങളിൽ വരെ വർഷങ്ങളായി ജോലി ചെയ്‌തുവരുന്ന ഈ ജീവനക്കാർ നിപ്പ, കോവിഡ് മഹാമാരി ഉൾപ്പെട എല്ലാ പ്രതിസന്ധികളിലും വിശ്രമമില്ലാത സേവനം ചെയ്‌തവരാണ്. മറ്റ് ജീവനക്കാർക്ക് ലഭിക്കുന്ന യാതൊരുവിധ ആനുകൂല്യങ്ങളുമില്ലാതെ തുച്ഛമായ വേതനം മാത്രം ലഭിക്കുന്ന ഇത്തരം ജീവനക്കാർക്ക് തങ്ങൾക്ക് നിയമപ്രകാരം ബാധകമാകാൻ പാടില്ലാത്ത ഉത്തരവുകൾ ചൂണ്ടിക്കാട്ടിയുള പിരിച്ചുവിടൽ ഭീഷണി നേരിട്ട് വരുകയാണ്. ഇതിനെതിരായ ചെറുത്തുനിൽപ്പും തൊഴിൽ സുരക്ഷിതത്വത്തിനും അവകാശപ്പെട്ട് ആനുകൂല്യങ്ങൾക്കുമായുളള പ്രക്ഷോഭ സമരങ്ങൾക്കും യൂണിയൻ നേതൃത്വം നൽകി വരുകയാണ്.
സംഘടനയുടെ ശക്തി വർദ്ധിപ്പിച്ച് വരുംകാല പ്രവർത്തനങ്ങൾക്ക് ഊർജ്ജം പകരേണ്ട സന്ദർഭത്തിലാണ് യൂണിയൻ്റ കൊയിലാണ്ടി താലൂക്ക് ആശുപത്രിയിലെ സമ്മേളനം നടന്നത്. പുതിയ ചെത്തു തൊഴിലാളി മന്ദിരത്തിൽ വെച്ച് നടന്ന പരിപാടിയുടെ ഉദ്ഘാടനം സി.ഐ.ടി.യു കൊയിലാണ്ടി ഏരിയ സെക്രട്ടറി സി. അശ്വിനിദേവ് നിർവഹിച്ചു. സി.ഐ.ടി.യു ഏരിയ പ്രസിഡണ്ട് എൻ.കെ ഭാസ്കരൻ. കേരള ഗവൺമെൻ്റ് ഹോസ്‌പിറ്റൽ ഡെവലപ്മെൻ്റ് സൊസൈറ്റി എംപ്ലോയീസ് യൂണിയൻ ജില്ലാ സെക്രട്ടറി ടി എം സുരേഷ് കുമാർ, സംസ്ഥാന കമ്മിറ്റി അംഗങ്ങളായ രശ്മി പി.എസ്, നന്ദകുമാർ ഒഞ്ചിയം, ജില്ലാ കമ്മിറ്റിയംഗം രാജീവൻ തുടങ്ങിയവർ സംസാരിച്ചു. യുകെ പവിത്രൻ അധ്യക്ഷൻ വഹിച്ച സമ്മേളനത്തിൽ പുതിയ സെക്രട്ടറിയായി ലെജിഷ എ.പി, പ്രസിഡണ്ട് യു കെ പവിത്രൻ, ട്രഷറർ നന്ദകുമാർ എംഎം. എന്നിവരെ തിരഞ്ഞെടുത്തു.
