തലോക്കൽ കൊയിലോത്ത് ശ്രീ മഹാവിഷ്ണു ക്ഷേത്രം പ്രതിഷ്ഠാ മഹോത്സവം മാർച്ച് 31 മുതൽ ഏപ്രിൽ 3 വരെ

തലോക്കൽ കൊയിലോത്ത് ശ്രീ മഹാവിഷ്ണു ക്ഷേത്രം പ്രതിഷ്ഠാ മഹോത്സവം മാർച്ച് 31- ഏപ്രിൽ 3 വരെ. 2025 മാർച്ച് 31 ഏപ്രിൽ 1, 2, 3 തീയ്യതികളിലായി ക്ഷേത്രം തന്ത്രി തെക്കിനിയേടത്ത് തരണനെല്ലൂർ പത്മ്മനാഭൻ ഉണ്ണിനമ്പൂതിരിയുടെ മുൻ കാർമ്മികത്വത്തിൽ നടത്തുന്ന പൂജകളോടും വൈവിധ്യമാർന്ന കലാപരിപാടികളോടും പ്രതിഷ്ഠാദിന മഹോത്സവം കൊണ്ടാടാൻ വിപുലമായ സ്വാഗതസംഘം രൂപീകരിച്ച് പ്രവർത്തനം ആരംഭിച്ചിട്ടുണ്ട്. ശ്രീ.പത്മനാഭൻ .കെ (ചെയർമാൻ), ശ്രീ.രമേശൻ ടി. കെ (വൈസ് ചെയർമാൻ) ശ്രീ സതീന്ദ്രൻ വി. ടി (കൺവീനർ) ശ്രീ.രാജഗോപാലൻ (ജോ. കൺവീനർ) ശ്രീ. ബാബു എൻ. കെ (Sഷറർ) എന്നിവർ ഭാരവാഹികളാണ്.

നൂറ്റാണ്ടുകൾക്കപ്പുറം പ്രശോഭിച്ചു നിന്ന തലോക്കൽ കൊയിലോത്ത് ശ്രീ മഹാവിഷ്ണു ക്ഷേത്രം അവകാശികളാൽ നശിപ്പിക്കപ്പെടുകയും ഭൂമിപോലും കൈമാറ്റം ചെയ്യപ്പെട്ട അവസ്ഥയുണ്ടായി. ഭക്തജനങ്ങൾ കൂടി ചേർന്ന് സ്വർണ്ണപ്രശ്നം നടത്തുകയും ഭഗവദ് ചൈതന്യം കുടികൊള്ളുന്ന ഭൂമിയിൽ മഹാവിഷ്ണു ക്ഷേത്രം പടുത്തുയർത്തി പ്രദേശനിവാസികൾക്ക് ഐശ്വര്യ വർദ്ധനവിന് അത്യന്താപേക്ഷിതമാണെന്ന് കാണുകയാൽ 20 സെൻ്റ് സ്ഥലം വിലക്ക് വാങ്ങി ശ്രീകോവിൽ, നമസ്കാരമണ്ഡപം എന്നിവ കരിങ്കല്ലിൽ കൊത്തുപണികളോടെ പണിത് ഷഡാധാര പ്രതിഷ്ഠയിൽ പഞ്ചലോഹ വിഗ്രഹം 2022 ഏപ്രിൽ 3 ന് പ്രതിഷ്ഠ ചെയ്തു. പഴയ മണിക്കിണർ കരിങ്കല്ലിൽ പുതുക്കുകയും താൽക്കാലിക തിടപ്പള്ളി, സ്റ്റോറൂം, ഓഫീസ് സമുച്ചയം, കുടിവെള്ളത്തിന് പൊതുകിണർ എന്നിവ പണിതു. ക്ഷേത്രത്തിൽ നിത്യ പൂജ നടത്തി പോരുകയും വിശേഷാൽ ആഘോഷങ്ങൾ പ്രതിമാസ അന്നദാനം എന്നിവ മുടക്കം കൂടാതെ നടന്നു വരുന്നു. 2023 ലും 2024ലും പ്രതിഷ്ഠാദിന മഹോത്സവം ഗംഭീരമായി ആഘോഷിച്ചു. പൊതുജനങ്ങളുടെ സഹകരണത്തോടെ 25 സെന്റ് സ്ഥലം കൂടി വിലക്ക് വാങ്ങി ശുചിമുറി സമുച്ചയം, താൽക്കാലിക പാചകശാല എന്നിവയും പണിതുകഴിഞ്ഞു. ചുറ്റമ്പല നിർമ്മാണം ഉപദൈവങ്ങളുടെ പ്രതിഷ്ഠ ക്ഷേത്രത്തോട് ചേർന്ന് കൂടുതൽ ഭൂമി വാങ്ങി സൗകര്യ പ്രദമായ ഓഡിറ്റോറിയ നിർമ്മാണം എന്നിവക്കായി രണ്ട് കോടി രൂപയുടെ പദ്ധതിയുമായി ക്ഷേത്ര കമ്മിറ്റി മുന്നോട്ടു പോകുകയാണ്. ഭക്തജനങ്ങളുടെ നിർലോഭമായ സഹകരണങ്ങൾ പ്രതീക്ഷിക്കുകയാണ്.

 

Leave a Reply

Your email address will not be published.

Previous Story

വളാഞ്ചേരിയിലെ HIV വ്യാപനം; ഒരേ സിറിഞ്ച് ഉപയോഗിച്ച് കുത്തിവെച്ചത് ടോമ എന്ന മാരക ലഹരി

Next Story

ഇൻ്റര്‍ലോക്ക് കട്ട പതിപ്പിച്ച പിഷാരികാവ് ക്ഷേത്രത്തിലേക്കുളള പ്രധാന വീഥി സമര്‍പ്പിച്ചു

Latest from Local News

കെ.കെ.രാമൻ അനുസ്മരണം നടത്തി

മേപ്പയ്യൂർ: കല്പത്തൂർ, മേപ്പയ്യൂർ മേഖലകളിൽ കമ്മ്യൂണിസ്റ്റ് പാർട്ടി കെട്ടിപ്പെടുക്കുന്നവരിൽ പ്രമുഖനും ഖാദി ബോർഡ് ജീവനക്കാരനുമായിരുന്ന ചങ്ങരം വെള്ളിയിലെ കെ.കെ.രാമൻ്റെ പതിനേഴാമത് ചരമവാർഷിക

കൊയിലാണ്ടി ഫിഷർമെൻ കോളനിയിൽ താമസിക്കും വിരുന്നു കണ്ടി കമല അന്തരിച്ചു

കൊയിലാണ്ടി: ഫിഷർമെൻ കോളനിയിൽ താമസിക്കും വിരുന്നു കണ്ടി കമല (75) അന്തരിച്ചു. ഭർത്താവ്: പരേതനായ ഉത്തമൻ. മക്കൾ :ബാഗി, സജീവൻ ,റീത്ത,

ചിങ്ങപുരം മഹാവിഷ്ണു ക്ഷേത്രമഹോത്സവം ഏപ്രില്‍ രണ്ട് മുതല്‍ എട്ട് വരെ

ചിങ്ങപുരം: ചിങ്ങപുരം മഹാവിഷ്ണു ക്ഷേത്രം മഹോത്സവം ഏപ്രില്‍ രണ്ട് മുതല്‍ എട്ട് വരെ ആഘോഷിക്കും. രണ്ടിന് രാത്രി തിരുവാതിര. മൂന്നിന് കൊടിയേറ്റം,3.30ന്

കൊയിലാണ്ടി സ്‌പെഷ്യാലിറ്റി പോളിക്ലിനിക്കിൽ ഡെന്റൽ ക്ലിനിക്കിന്റെ സേവനം ഇനി മുതൽ ഞായറാഴ്ചകളിലും

“കൊയിലാണ്ടിയിൽ ഡെന്റൽ ക്ലിനിക്കിന്റെ സേവനം ഇനിമുതൽ ഞായറാഴ്ചകളിലും ലഭ്യം..” കൊയിലാണ്ടി സ്‌പെഷ്യാലിറ്റി പോളിക്ലിനിക്കിൽ ഡെന്റൽ വിഭാഗം ഇനി മുതൽ ഞായറാഴ്ചകളിലും തുറന്നു

പിഷാരികാവിലേക്ക് ഭക്ഷണം നൽകുന്ന ആവശ്യത്തിലേക്ക് എന്ന വ്യാജേന നടത്തുന്ന പണപ്പിരിവുകൾക്കെതിരെ ജാഗ്രത പുലർത്തുക; ദേവസ്വം ബോർഡ്

ശ്രീ പിഷാരികാവ് ക്ഷേത്രത്തിലെ 2025 വർഷത്തെ കാളിയാട്ട മഹോത്സവം മാർച്ച് 30 മുതൽ ഏപ്രിൽ 6 വരെയാണ്. ഉത്സവ ദിവസങ്ങളിൽ ഒരുക്കുന്ന