ഈ വർഷത്തെ ഇഫ്‌താർ സംഗമം ദുബായ് കോണ്സുലേറ്റിൽ വെച്ച് നടന്നു

ഈ വർഷത്തെ ഇഫ്‌താർ സംഗമം ദുബായ് കോണ്സുലേറ്റിൽ വെച്ച് നടന്നു. ഹിസ് എക്സലൻസി സതീഷ് കുമാർ ശിവൻ തന്റെ ഹ്രസ്വ പ്രസംഗത്തിലൂടെ അതിഥികളെ സ്വാഗതം ചെയ്തു . റമദാൻ വലിയ സന്ദേശമാണ് ലോകത്തിനു തരുന്നത്.മാനുഷിക മൂല്യങ്ങളെ സ്നേഹിക്കാനും സഹാനുഭൂതിയും ഹൃദയ വിശാലതയും പരസ്പരം പങ്കു വെക്കാനും അതിലൂടെ ഒരു നവലോകം സൃഷ്ടിക്കാനും മനുഷ്യരെ സജ്ജമാക്കുകയുമാണ് റമദാൻ ചെയ്യുന്നത്.മറ്റെല്ലാം മറന്നു പരസ്പരം സ്നേഹിക്കാൻ അദ്ദേഹം ആഹ്വാനം ചെയ്തു. ദുബായ് ഇന്ത്യൻ കോൺസുലേറ്റിൽ നടന്ന ഇഫ്താർ സംഗമത്തിൽ, യുഎഇ കെഎംസിസി ക്കുള്ള ഉപഹാരം കേന്ദ്ര കമ്മറ്റി പ്രസിഡന്റ് ഡോക്ടർ പുത്തൂർ റഹ്‌മാൻ സാഹിബ്,കൗൺസിൽ ജനറൽ HE.സതീഷ് കുമാർ ശിവനിൽ നിന്നും ഏറ്റുവാങ്ങി.നാഷണൽ ‘കെ.എം.സി.സി.മുഖ്യ രക്ഷാധികാരി എ.പി.ശംസുദ്ദീൻ ബിൻ മുഹിയുദ്ദീൻ, യുഎ ഇ കെഎംസിസി ജനറൽ സെക്രട്ടറി അൻവർ നഹ, ദുബായ് കെഎംസിസി പ്രസിഡന്റ്‌ ഡോ. അൻവർ അമീൻ, ഇന്ത്യൻ അസോസിയേഷൻ പ്രസിഡന്റ്‌ നിസാർ തളങ്കര, കെഎംസിസി സ്റ്റേറ്റ് ഭാരവാഹികൾ എന്നിവരുടെ സാന്നിധ്യം ചടങ്ങ് മനോഹരമാക്കി. ദുബായ് കെഎംസിസി വനിതാ വിങ്ങിനെ പ്രതിനിധീകരിച്ചു പ്രസിഡന്റ് സഫിയ മൊയ്‌ദീൻ,ജനറൽ സെക്രട്ടറി റീന സലിം,ട്രെഷറർ നജ്മ സാജിദ് എന്നിവർ പങ്കെടുത്തു.