പാലോറത്ത് കാവ് ഭഗവതി ക്ഷേത്രോത്സവത്തിന് കൊടിയേറി

അത്തോളി : പാലോറത്ത് കാവ് ഭഗവതി ക്ഷേത്രോത്സവം മാർച്ച് 26 മുതൽ 30 വരെ നടക്കും. ക്ഷേത്രം മേൽശാന്തി സുമേഷ് നന്താനത്തിൻ്റെ കാർമ്മികത്വത്തിൽ ക്ഷേത്രം രക്ഷാധികാരികളായ സി കെ രാഘവൻ, കൊല്ലോത്ത് കൃഷ്ണൻ എന്നിവർ ചേർന്ന് കൊടിയേറ്റി . ക്ഷേത്ര ഭരണ സമിതി പ്രസിഡന്റ് ആർ. എം. കുമാരൻ , പി . രമേശൻ , എൻ. ഡി. ജോഷി , സി . കെ . കെ ശങ്കരൻ, എം. കെ രവീന്ദ്രൻ, സന്തോഷ് കുനിയേലത്ത് , ടി .ടി മൈഥിലി, എം. കെ ശാലിനി എന്നിവർ നേതൃത്വം നൽകി. തുടർന്ന് നിറത്തിന് പണം നൽകൽ ചടങ്ങ് നടത്തി. 26 ന് രാവിലെ ആറ് മുതൽ വൈകീട്ട് 6.30 വരെ അഖണ്ഡനാമജപം . 27 ന് രാവിലെ എട്ടിന് പൊങ്കാല സമർപ്പണം. 28 ന് രാവിലെ 10 ന് കലവറ നിറയ്ക്കൽ , വൈകീട്ട് സർപ്പബലി , 7 .30 ന് കലാപരിപാടികൾ.
29 ന് രാവിലെ 10 ന് അദ്ധ്യാമിക പ്രഭാഷണം വൈകീട്ട് അഞ്ചിന് കീഴക്കേടത്ത് ഇല്ലത്ത് പരദേവത ക്ഷേത്രത്തിൽ നിന്നും അത്തോളി രാരോത്ത് പരദേവത ക്ഷേത്രത്തിൽ നിന്നും ആഘോഷ വരവ്. 5.30 ന് ഗുരുതി തർപ്പണം . രാത്രി 9 ന് മുല്ലക്കൽ പാട്ട് എഴുന്നള്ളിപ്പ് തുടർന്ന് കളം മായ്ക്കൽ.
30 ന് വൈകീട്ട് ഗുരുതി തർപ്പണം, കാരയിൽ ഭഗവതി ക്ഷേത്രത്തിൽ നിന്നും താലപ്പൊലി. രാത്രി 9 ന് ഭഗവതി തിറ , തായമ്പക , 10.30 ന് അഭിനയ കോഴിക്കോട് അവതരിപ്പിക്കുന്ന നാടകം കേരള സിംഹം പഴശ്ശിരാജ. പുലർച്ചെ നാലിന് മുന്നൂറ്റൻ കണ്ടി മുരളീധരൻ്റെ നേതൃത്വത്തിൽ കൂത്ത് ഉത്സവം നടക്കും
ഏപ്രിൽ നാലിന് ദണ്ഡന് സമർപ്പണത്തോടെ ഉത്സവം സമാപിക്കും.