‘മഹാകവി അക്കിത്തം’ ജീവചരിത്രഗ്രന്ഥം പ്രകാശനം ചെയ്തു

 

മനുഷ്യ മനസ്സിനെ കോച്ചിവലിക്കുന്ന ആത്മചൈതന്യമാണ് അക്കിത്തം കവിതകൾ എന്ന് പ്രമുഖ എഴുത്തുകാരനും കലാനിരൂപകനുമായ ഡോ: എൻ.പി. വിജയകൃഷ്ണൻ അഭിപ്രായപ്പെട്ടു.കവിയുടെ ശക്തമായ പ്രതികരണത്തിൻ്റെ ആത്മഭാഷണങ്ങളായിരുന്നു അദ്ദേഹത്തിൻ്റെ കവിതകൾ. എം.ശ്രീഹർഷൻ രചിച്ച് ബാലസാഹിതി പ്രകാശൻ പ്രസിദ്ധീകരിച്ച ‘മഹാകവി അക്കിത്തം ‘എന്ന ജീവചരിത്രഗ്രന്ഥം പ്രകാശനം ചെയ്തു കൊണ്ട് സംസാരിക്കുകയായിരുന്നു അദ്ദേഹം.

അക്കിത്തത്തിന്റെ നൂറാം ജന്മദിനമായ മാർച്ച് 18 ന് അദ്ദേഹത്തിന്റെ വസതിയിൽ ആയിരുന്നു ചടങ്ങ്. മനുഷ്യൻ്റെ വേദനകളെ വേദാന്തമാക്കിയ കവിയായിരുന്നു മഹാകവി അക്കിത്തമെന്ന് പുസ്തകം ഏറ്റുവാങ്ങിയ പ്രമുഖ സാഹിത്യകാരനും വിവർത്തകനുമായ ഡോ: ആർസു അഭിപ്രായപ്പെട്ടു. അക്കിത്തത്തിൻ്റെ പല പദങ്ങളും പ്രയോഗങ്ങളും മെഴിമാറ്റം നടത്താൻ പോലും സാധിക്കാത്ത വിധത്തിൽ ഭാഷയുടെ സൗകുമാര്യം നിറഞ്ഞതാണ്. കവിതയുടെ ആഴങ്ങളെ അടുത്തറിഞ്ഞ് അത് ആത്മാംശമാക്കി മാറ്റാൻ കഴിഞ്ഞു എന്നത് ആധുനിക എഴുത്തുകാർ അക്കിത്തത്തിൽ നിന്നും പഠിക്കേണ്ട പാഠങ്ങളാണെന്ന് അദ്ദേഹം കൂട്ടിച്ചേർത്തു.

തമസ്സിനെ ചേർത്തു നിർത്തിക്കൊണ്ടു തന്നെ വെളിച്ചത്തെ കവിതയിലേക്ക് ആവാഹിക്കുകയായിരുന്നു അക്കിത്തം ചെയ്തതെന്ന് പുസ്തകത്തെ പരിചയപ്പെടുത്തിക്കൊണ്ട് പ്രശ്സ്ത നിരൂപകനും പ്രഭാഷകനുമായ ഡോ: ശ്രീശൈലം ഉണ്ണികൃഷ്ണൻ അഭിപ്രായപ്പെട്ടു. കവിയുടെ വിശാലമായ കാവ്യസപര്യയേയും സാംസ്കാരിക പ്രവർത്തനങ്ങളെയും സമഗ്രമായി മലയാളിക്ക് പരിചയപ്പെടുത്തുകയാണ് ശ്രീ എം. ശ്രീഹർഷൻ ചെയ്യുന്നതന്നെും അദ്ദേഹം പറഞ്ഞു.

അക്കിത്തത്തിൻ്റെ കവിതകളെ പുതിയ തലമുറ അറിയേണ്ടതും പഠിക്കേണ്ടതും കാലഘട്ടത്തിൻ്റെ അനിവാര്യതകൂടിയാണെന്ന് ചടങ്ങിൽ അദ്ധ്യക്ഷത വഹിച്ച ഡോ: ഗോപി പുതുക്കോട് അഭിപ്രായപ്പെട്ടു. ഒരായുസ്സു മുഴുവൻ കാവ്യകർമ്മത്തിലേർപ്പെടുകയും ധർമ്മത്തിലധിഷ്ഠിതമായി പ്രവർത്തിക്കുകയും ചെയ്ത ഒരു മഹാകവിയുടെ ജീവിതത്തിലൂടെയും കാവ്യലോകത്തിലൂടെയുമുള്ള തീർഥയാത്രയാണീ പുസ്തകെമെന്ന്  രചനാനുഭവം പങ്കിട്ടുകൊണ്ട് ഗ്രന്ഥകാരനായ എം.ശ്രീഹർഷൻ പറഞ്ഞു.

അക്കിത്തത്തിനുള്ള അക്ഷര ശ്രദ്ധാഞ്ജലിയായി കാവാലംശശികുമാർ തൻ്റെ കവിത അവതരിപ്പിച്ചു. ചടങ്ങിൽ എഴുത്തു കാരി ശ്രീമതി.കെ.രമ , മയിൽപ്പീലി മാനേജിംഗ് എഡിറ്റർ കെ.പി ബാബുരാജ്, എൻഹരീന്ദ്രൻ, കെ. യു. പ്രഭാകരൻ എന്നിവർ പ്രസംഗിച്ചു. അക്കിത്തത്തിന്റെ മകൻ നാരായണൻ, ഡോ.എസ്. നാരായണൻ, പ്രമുഖ നാടകകാരൻ ശശി നാരായണൻ, എഴുത്തുകാരായ ശ്രീജിത്ത് മൂത്തേടത്ത്, സുനിത സുകുമാരൻ, പത്രപ്രവർത്തകയായ അനന്യ എന്നിവർ പരിപാടിയിൽ സന്നിഹിതരായിരുന്നു.

Leave a Reply

Your email address will not be published.

Previous Story

ബാലുശേരിയിൽ അനുമതിയില്ലാതെ ഉത്സവ എഴുന്നള്ളത്തിന് എത്തിച്ച ആനയെ കസ്റ്റഡിയിലെടുത്ത് വനം വകുപ്പ്

Next Story

തങ്കമലയിൽ നിന്നും രാത്രി മണ്ണുമായി പോയ ലോറി സമീപത്തെ കനാലിലേക്ക് മറിഞ്ഞ് ഡ്രൈവർക്ക് ഗുരുതര പരിക്ക്

Latest from Local News

കാവുംവട്ടം ഇമ്പ്രാക്കണ്ടി രാജൻ മാസ്റ്റർ അന്തരിച്ചു

  കൊയിലാണ്ടി :മുൻ ജില്ലാ പഞ്ചായത്ത് അംഗവും (കാപ്പാട് ഡിവിഷൻ),യുവജനതാദൾ ജില്ലാ പ്രസിഡൻ്റുമായിരുന്ന കാവുംവട്ടം ഇമ്പ്രാക്കണ്ടി രാജൻ മാസ്റ്റർ (66) അന്തരിച്ചു.

കരാർ കമ്പനിയുടെ ധിക്കാരം: ഇത്തവണ ഓണം ഗതാഗതക്കുരുക്കിലായേക്കും: ഷാഫി പറമ്പിൽ എം പി

വടകര:നിരുത്തരവാദപരമായ ദേശീയപാത നിർമാണ പ്രവൃത്തിക്കെതിരേയും ജനജീവിതം സ്തംഭിപ്പിക്കുന്ന ഗതാഗതക്കുരുക്കിനെതിരേയും നടപടി സ്വീകരിക്കാത്ത അധികാരികളുടെ സമീപനത്തിനെരെ വടകര സിറ്റിസൺ കൗൺസിലിന്റെ നേതൃത്വത്തിൽ ഏകദിന

സ്ത്രീത്വത്തെ അപമാനിക്കുകയും അതിക്രമം നടത്തുകയും ചെയ്യുന്നവർക്കെതിരെ ശക്തമായ നടപടിയെടുക്കണം :വിമൻ ജസ്റ്റിസ് മൂവ്മെൻറ്

കൊയിലാണ്ടി: സ്ത്രീ സൗഹൃദ പൊതു ഇടങ്ങൾക്കായി പണിയെടുക്കേണ്ട രാഷ്ട്രീയ നേതാക്കളിൽ നിന്നുള്ള ലൈംഗിക അതിക്രമങ്ങൾ തെറ്റായ സന്ദേശമാണ് സമൂഹത്തിനും പുതുതലമുറക്കും നൽകുന്നതെന്നും

സപ്ലൈകോ സൂപ്പർമാർക്കറ്റുകളിൽ കേര വെളിച്ചെണ്ണയ്ക്ക് ഞായറാഴ്ച പ്രത്യേക വിലക്കുറവ്

സപ്ലൈകോ സൂപ്പർ മാർക്കറ്റുകളിൽ ആഗസ്റ്റ് 24 ഞായറാഴ്ച കേര വെളിച്ചെണ്ണ ലിറ്ററിന് 445 രൂപ നിരക്കിൽ ലഭിക്കും. ഒരു ദിവസത്തേക്കുള്ള പ്രത്യേക