കൊയിലാണ്ടി നഗരസഭ 2024 -25 വാർഷിക പദ്ധതി – വിദ്യാർഥികൾക്ക് കായികപരിശീലനം പദ്ധതിയുടെ ഭാഗമായി യു.പി വിദ്യാർഥികൾക്ക് ഒരു മാസക്കാലം നൽകിയ ഫുട്ബോൾ പരിശീലനത്തിൻ്റെ സമാപനം നഗരസഭ വൈസ് ചെയർമാൻ അഡ്വ: കെ . സത്യൻ്റെ അധ്യക്ഷതയിൽ നഗരസഭാ ചെയർ പേഴ്സൺ ശ്രീമതി സുധ കിഴക്കെപ്പാട്ട് ഉദ്ഘാടനം നിർവ്വഹിച്ചു. ചടങ്ങിൽ വികസന സ്റ്റാൻ്റിങ് കമ്മറ്റി ചെയർ പേഴ്സൺ ശ്രീമതി കെ.എ ഇന്ദിര, വിദ്യാഭ്യാസ സ്റ്റാൻഡിംഗ് കമ്മറ്റി ചെയർപേഴ്സൺ നിജില പറവക്കൊടി കൗൺസിലർമാരായ വത്സരാജ് കേളോത്ത്, രമേശൻ വലിയാട്ടിൽ, എ . അസീസ്, ഭവിത സി എന്നിവർ സംസാരിച്ചു.
മുഴുവൻ കായികതാരങ്ങൾക്കും ജഴ്സികളും വിതരണം ചെയ്തു. ഫുട്ബാൾ പരിശീലകരായ ശ്രീ. ഋഷിദാസ് കല്ലാട്ട്, എൻ.കെ. ഷാജി എന്നിവർക്ക് ചെയർപേഴ്സൺ ഉപഹാരങ്ങൾ വിതരണം ചെയ്തു.
