വടകര ജെ ടി റോഡിൽ പരിഷ്കരണ പ്രവർത്തികൾ പൂർത്തിയായിട്ടും ടാറിങ് ജോലി ആരംഭിക്കാത്തത് ദുരിതമാവുന്നു. റോഡിന് ഇരുഭാഗത്തും, കുറുകെയുമുള്ള ഓവു ചാൽ നിർമാണം പൂർത്തിയായിട്ടും ഈ ഭാഗങ്ങളിൽ ടാറിങ് നടക്കാതാണ് ദുരിതത്തിന് പ്രധാന കാരണം. ഇതിന് ഒപ്പം ഓവു ചാൽ നിർമാണത്തിന് കുഴിച്ച ഭാഗങ്ങളിൽ മണ്ണ് താണു കുഴിയായിട്ടുണ്ട്. ഇതിൽ തട്ടി ബൈക്കുകൾ വിഴുന്നുണ്ട്. കൂടാതെ പൊടി ശല്യവും ഇളകി നിൽക്കുന്ന കല്ല് തെറിച്ച് അപകടവുമുണ്ട്. വ്യാപാരികൾ നേരിടുന്ന പ്രയാസങ്ങൾ ദിനംപ്രതി വർധിക്കുകയാണ്. ജെ ടി റോഡിൽ അടിയന്തരമായി റീ ടാറിങ് പ്രവർത്തി നടത്തണമെന്ന് വ്യാപാരി വ്യാവസായി സമിതി വിരഞ്ചേരി യുണിറ്റ് യോഗം ആവശ്യപ്പെട്ടു. പ്രസിഡണ്ട് ടി.ഇ ഷനു അധ്യഷത വഹിച്ചു. കെ പത്മനാഭൻ , പി കെ സുധീർ കുമാർ എന്നിവർ സംസാരിച്ചു.
പരിഷ്കരണ പ്രവൃത്തി പുർത്തിയായിട്ടും ടാറിങ് ജോലി ആരംഭിക്കാത്തത് ദുരിതമാവുന്നു
