പൊയിൽകാവ്:- പൊയിൽകാവ് എച്ച്.എസ്.എസ് ലെ 2023-25 ബാച്ച് സ്റ്റുഡൻ്റ് പോലീസ് കേഡറ്റുകളുടെ പാസ്സിംഗ് ഔട്ട് പരേഡ് സ്കൂൾ ഗ്രൗണ്ടിൽ വെച്ച് നടന്നു. മുഖ്യാതിഥി ശ്രീലാൽചന്ദ്രശേഖരൻ (ഇൻസ്പെക്ടർ ഓഫ് പോലീസ് കൊയിലാണ്ടി ) അഭിവാദ്യം സ്വീകരിച്ചു.
പ്രൗഢ ഗംഭീരമായ ചടങ്ങിൽ സബ് ഇൻസ്പെക്ടർമാരായ ജിതേഷ് . കെ .എസ്, ദിലീഷ് സാട്ടോ, വാർഡ് മെമ്പർ . ബേബി സുന്ദർ രാജ്, പ്രിൻസിപ്പൽ . ചിത്രേഷ് പി ജി , പ്രധാനധ്യാപിക ബീന. കെ.സി, പി.ടി എ പ്രസിഡൻ്റ് രാഗേഷ്, പി.ടി.എ പ്രതിനിധി സാബു കീഴരിയൂർ എന്നിവർ സന്നിഹിതരായിരുന്നു.
ഡ്രിൽ ഇൻസ്ട്രെക്ടർ കുമാരി മവ്യ കേഡറ്റുകൾക്ക് പ്രതിജ്ഞ ചൊല്ലി കൊടുത്തു.
നിഹാരിഗ രാജ് പരേഡ് ഇൻ കമാൻഡറും അനുഗ്രഹ ബി. എസ് സെക്കൻ്റ് ഇൻ കമാൻഡറുമായ പരേഡിൽ പെൺകുട്ടികളുടെ പ്ലാറ്റൂൺ തേജ പൂർണ്ണയും ആൺകുട്ടികളുടെ പ്ലാറ്റൂൺ വിശാൽ കൃഷ്ണയും നയിച്ചു. പരേഡിന് കമ്മ്യൂണിറ്റി പോലീസ് ഓഫീസർമാരായ സുജിത്. സി , ലിൻസി .കെ, സീനിയർ പോലീസ് ഓഫീസർ മണികണ്ഠൻ എന്നിവർ നേതൃത്വം നൽകി
പ്രൗഢ ഗംഭീരമായ ചുവടുവെപ്പുമായി പൊയിൽ കാവ് എച്ച്.എസ്.എസ് ലെ കുട്ടി പോലീസ്
