താനൂരില് നിന്ന് കാണാതായ പ്ലസ് ടു വിദ്യാര്ഥികളെ കണ്ടെത്താന് നിര്ണായകമായത് ടവര് ലൊക്കേഷന് ട്രാക്ക് ചെയ്യാന് സാധിച്ചതിനാലാണെന്ന് മലപ്പുറം എസ്പി. കുട്ടികളെ കാണാതായ വിവരം പുറത്തുവന്നതിന് പിന്നാലെ തന്നെ പൊലിസ് സജീവമായിരുന്നെന്നും കൂട്ടായ പരിശ്രമത്തില് അന്വേഷണം വിജയകരമായി പൂര്ത്തിയാക്കാന് സാധിച്ചതായും അദ്ദേഹം മാധ്യമങ്ങളോട് പറഞ്ഞു. യാത്രയോടുള്ള താത്പര്യം കൊണ്ടാണ് പോയതെന്നാണ് വിവരമെന്നും കുട്ടികളെ ഇവിടെയെത്തിച്ച ശേഷം എന്തിനാണ് പോയെതെന്ന് വിശദമായി ചോദിച്ചറിയുമെന്നും എസ്പി കൂട്ടിച്ചേർത്തു.
ഒപ്പമുണ്ടായിരുന്ന യുവാവിന്റെത് സഹായമെന്ന നിലയിലാണ് ഇപ്പോള് കാണുന്നതെന്ന് എസ്പി പറഞ്ഞു. കുട്ടികളെ കണ്ടെത്തുന്നതില് അദ്ദേഹം സഹകരിച്ചതായും എസ്പി പറഞ്ഞു. കുട്ടികളെ കണ്ടെത്താനായതില് വളരെയധികം അശ്വാസമുണ്ടെന്ന് പറഞ്ഞ അദ്ദേഹം മുംബൈ പൊലീസിനും ആര്പിഎഫിനും മുംബൈയിലെ മലയാളി സമാജത്തിനും നന്ദി പറഞ്ഞു. പെണ്കുട്ടികളുടെ ദൃശ്യങ്ങള് പ്രചരിപ്പിക്കരുതെന്നും അദ്ദേഹം ആവശ്യപ്പെട്ടു. കുട്ടികളുമായി നാളെ ഉച്ചയ്ക്ക് മുമ്പ് പൊലീസ് സംഘം മലപ്പുറത്ത് എത്തും. കുട്ടികള് വന്നിട്ട് ബാക്കി കാര്യങ്ങള് വിശദമായി ചോദിച്ചറിയാമെന്നും എസ്.പി വ്യക്തമാക്കി.
