കോഴിക്കോട് ഗവണ്മെന്റ് ലോ കോളേജ് വിദ്യാര്ത്ഥിനി ആത്മഹത്യ ചെയ്ത സംഭവത്തിൽ ആണ് സുഹൃത്ത് കസ്റ്റഡിയിൽ. മരിച്ച തൃശൂര് പാവറട്ടി സ്വദേശിനിയായ മൗസ മെഹ്റിസി(20)ന്റെ കോവൂര് സ്വദേശിയായ ആണ് സുഹൃത്തിനെയാണ് വയനാട് വൈത്തിരിയിൽ നിന്ന് ചേവായൂര് പൊലീസ് കസ്റ്റഡിയിലെടുത്തത്. വിവാഹിതനാണെന്ന കാര്യം മറച്ചുവെച്ച് പെണ്കുട്ടിയുമായി ബന്ധം സ്ഥാപിച്ച ഇയാള് വിവാഹിതനാണെന്ന് അറിഞ്ഞതിന് പിന്നാലെയാണ് പെണ്കുട്ടി ആത്മഹത്യ ചെയ്തത്.
ഫെബ്രുവരി 24നാണ് തൃശ്ശൂര് സ്വദേശിനിയായ മൗസ മെഹ്റിസിനെ കോവൂരിലെ താമസ സ്ഥലത്ത് തൂങ്ങിമരിച്ച നിലയില് കണ്ടത്. മരിച്ചതിന്റെ തലേദിവസം മൗസയുടെ ആണ്സുഹൃത്തുമായി തര്ക്കമുണ്ടായതായും മൗസയുടെ ഫോണ് ഇയാള് കൊണ്ടുപോയതായും സഹപാഠികള് മൊഴി നല്കിയിരുന്നു. മൗസയുടെയും ആണ്സുഹൃത്തിന്റെ ഫോണ് ചൊവ്വാഴ്ച മുതല് സ്വിച്ച്ഡ് ഓഫ് ആണെന്ന് പൊലീസ് വ്യക്തമാക്കിയിരുന്നു.
വെള്ളിയാഴ്ച യുവാവ് ഗൂഡല്ലൂരില് ഉണ്ടെന്ന വിവരം ലഭിച്ചതിനെ തുടര്ന്ന് ചേവായൂര് പൊലീസ് തിരച്ചില് നടത്തിയിരുന്നു. ഒരു പച്ചക്കാറില് യുവാവ് നഗരത്തിലുണ്ടെന്നായിരുന്നു രഹസ്യ വിവരം ലഭിച്ചത്. വയനാട്ടിലും പൊലീസ് അന്വേഷണം നടത്തിയിരുന്നു.
