റമദാൻ പരിവർത്തനത്തിൻ്റെ മാസം

റമദാൻ പരിവർത്തനത്തിൻ്റെ മാസം.മനുഷ്യനെ ആധ്യാത്മികമായും ശാരീരികമായും സ്ഫുടം ചെയ്തെടുക്കാനുള്ള ദൈവിക സംവിധാനമാണ് റമദാൻ. മനുഷ്യാത്മാവിനെ കറകളിൽ നിന്നും കളങ്കങ്ങളിൽ നിന്നും കഴുകിയെടുത്ത് വിശുദ്ധിയുടെ മാർഗത്തിലേക്ക് കൊണ്ടുവരുന്ന ആത്മ സംസ്കരണത്തിൻ്റെ പാoങ്ങളാണ് നോമ്പിൻ്റെ കാതൽ.ഇസ്ലാമും വിശുദ്ധ ഖുർആനും മുഖേന ലോകത്ത് നിറവേറ്റപ്പെടേണ്ട ദൗത്യത്തിൻ്റെ ആകത്തുകയാണ് സംസ്കരണം. കയറൂരി വിട്ട മനസ്സാണ് മനുഷ്യൻ്റെ ഏറ്റവും വലിയ ശത്രു.അധാർമികതകളിലേക്കും തിന്മകളിലേക്കും തെളിക്കുന്ന മനസ്സിനെ പിടിച്ചു നിറുത്തി നന്മയുടെ ധാർമികതയുടെ വഴിയിലേക്ക് തിരിച്ചെത്തിക്കാൻ നോമ്പ് വിശ്വാസിയെ സഹായിക്കുന്നു. ആത്മാവിനെ സo സ്കരിച്ചവൻ വിജയിച്ചു. മലിനമാക്കിയവൻ പരാജയപ്പെട്ടു.(അശ്ശoസ് 9, 10) എന്നതാണ് ഖുർആനിൻ്റെ പാഠം. ഒരു വിശ്വാസിക്ക് സ്വസ്ഥവും ശാന്തവും സത്യസന്ധവുമായി സ്വന്തം വ്യക്തിത്വത്തെ പഠനവിധേയമാക്കാനുള്ള നാളുകളാണ് റമദാൻ. തൻ്റെ കുറ്റവും കുറവും കണ്ടെത്തി നയങ്ങളും നിലപാടുകളും തിരിച്ചറിഞ്ഞ് അല്ലാഹു വിലുള്ള വിശ്വാസവും സുക്ഷ്മതയും പുതുക്കി പുതിയ മനുഷ്യനായി പുനരുദയം ചെയ്യാൻ നോമ്പ് വിശ്വാസിയെ സഹായിക്കുന്നു.