വിശുദ്ധ ഖുർആനിൻ്റെ ജീവിക്കുന്ന പതിപ്പുകളാവുക

വിശുദ്ധ ഖുർആനിൻ്റെ ജീവിക്കുന്ന പതിപ്പുകളാവുക. മനുഷ്യർക്ക് മാർഗദർശനമായും സത്യാസത്യങ്ങളെ വിവേചിക്കുന്നതും സന്മാർഗം കാണിക്കുന്നതമായ സുവ്യക്ത നിർദ്ദേശങ്ങളുമായി ഖുർആൻ അവതരിച്ച മാസമാകുന്നു റമദാൻ (അൽബഖറ 185) ഖുർആനാണ് റമദാനിൻ്റെ ആത്മാവ്. ഖുർആൻ അവതരിച്ചു എന്നതാണ് റമദാൻ മാസത്തിൻ്റെ മഹത്വത്തിന് നിദാനം. മനുഷ്യരെ വെളിച്ചത്തിലേക്കു നയിക്കുന്ന ഖുർആനിൻ്റെ ആശയങ്ങളെ കൂടുതൽ പഠിക്കാനും ജീവിതത്തിൽ പകർത്താനും വിശുദ്ധ റമദാനിനെ ഉപയോഗപ്പെടുത്തണം. പ്രവാചക പ്രിയ പത്നി ആയിശ(റ) യോട് പ്രവാചക സ്വഭാവത്തെ കുറിച്ച് ചോദിച്ചപ്പോൾ അവർ പറഞ്ഞ മറുപടി പ്രവാചകൻ്റെ സ്വഭാവം ഖുർആൻ ആയിരുന്നു എന്നായിരുന്നു. ആ അർത്ഥ തലങ്ങളിലേക്ക് വളരാൻ വിശ്വസികൾക്ക് സാധിക്കണം. ഖുർആൻ മുന്നോട്ടു വെക്കുന്ന ഏക ദൈവ വിശ്വാസത്തിൻ്റെ, മാനവികതയുടെ ‘നന്മയുടെ ,സാഹോദര്യത്തിൻ്റെ മഹിതമായ മൂല്യങ്ങൾ ഉയർത്തിപ്പിടിച്ച് ഖുർആനിൻ്റെ ജീവിക്കുന്ന പതിപ്പുകളാവാൻ റമദാനിലൂടെ നമുക്ക് കഴിയണം.