കോഴിക്കോട്: വിവിധയിടങ്ങളിൽ മാസപ്പിറവി കണ്ടതിനെ തുടര്ന്ന് കേരളത്തിൽ നാളെ റമദാൻ ഒന്നായിരിക്കുമെന്ന് ഖാസിമാര് അറിയിച്ചു. നാളെ മുതൽ കേരളത്തിൽ റമദാൻ വ്രതാനുഷ്ഠാനം ആരംഭിക്കും. ഇനിയുള്ള ദിവസങ്ങള് വ്രതശുദ്ധിയുടെ പുണ്യ നാളുകളായിരിക്കും.
ഇന്ന് മാസപ്പിറവി കണ്ടതായി വിശ്വസനീയ വിവരം ലഭിച്ചതിനാല് നാളെ (മാര്ച്ച് രണ്ട്, ഞായറാഴ്ച) റമദാന് ഒന്നായിരിക്കുമെന്ന് സംയുക്ത മഹല്ല് ജമാഅത് ഖാസി സയ്യിദ് ഇബ്റാഹീമുല് ഖലീല് അല് ബുഖാരി കാന്തപുരം എ പി.അബൂബക്കര് മുസ്ലിയാരുടെ പ്രതിനിധി ഡോ. ഹുസൈന് സഖാഫി ചുള്ളിക്കോട് എന്നിവര് അറിയിച്ചു. മാസപ്പിറവി കണ്ടതായി പാണക്കാട് സാദിഖലി ശിഹാബ് തങ്ങളും അറിയിച്ചു. കോഴിക്കോട് വെള്ളയിൽ കടപ്പുറത്തും പൊന്നാനിയിലുമടക്കം മാസപ്പിറവി കണ്ടതായി ഖാസിമാര് അറിയിച്ചു.
