ലഹരിക്കെതിരെ ജനങ്ങൾ ഒന്നിക്കണമെന്ന് ഷാഫി പറമ്പിൽ

ചെറുവറ്റ : ലഹരിക്കെതിരെ നാടൊന്നാകെ ഒന്നിച്ച് നിന്ന് പോരാടണമെന്ന് വടകര എം പി ഷാഫി പറമ്പിൽ. കേന്ദ്ര കേരള സർക്കാറുകൾക്കെതിരെ യൂത്ത് കോൺഗ്രസ് എലത്തൂർ അസംബ്ലി കമ്മിറ്റി സംഘടിപ്പിച്ച യൂത്ത് അലർട്ട് യുവജന പ്രതിരോധ ജാഥയിൽ സംസാരിക്കുകയായിരുന്നു അദ്ദേഹം. ഭരണത്തിൻ്റെ കീഴിൽ ലഹരിയും അക്രമവും സ്പോൺസർ ചെയ്യുകയാണെന്ന് അദ്ദേഹം പറഞ്ഞു. സമാപന സമ്മേളനത്തിൽ അസംബ്ലി പ്രസിഡൻ്റ് ഹാഷിഖ് അധ്യക്ഷത വഹിച്ചു. എൻ സുബ്രഹ്മണ്യൻ,കെ എം അഭിജിത്ത്,രാജേഷ് കീഴരിയൂർ ,പി എം അബ്ദുറഹ്മാൻ, ശ്രീജിത്ത്, വൈശാൽ കല്ലാട്ട് , ടി എം നിമേഷ് ,എസ് സുനന്ദ് ,റിഷികേശ് ,സനൂജ് കുരുവട്ടൂർ,അജേഷ്, സായൂജ് , പ്രബി പുനത്തിൽ, അഖിലേഷ്, റിയാസ് കുറുവട്ടൂർ എന്നിവർ സംസാരിച്ചു. രാവിലെ 9 മണിക്ക് കക്കോടിയിൽ നിന്ന് ഡി സി സി പ്രസിഡൻ്റ് അഡ്വ പ്രവീൺകുമാർ ഉദ്ഘാടനം ചെയ്ത യാത്ര വൈകീട്ട് 7 മണിക്ക് ചെറുവറ്റയിൽ സമാപിച്ചു