കൊല്ലം ശ്രീ പിഷാരികാവ് ക്ഷേത്രത്തിലെ ഏറെ പഴക്കമുള്ള കാരണവർ തറ പുതുക്കി പണിയുന്നതിന്റെ ഭാഗമായി ഉത്തരം കയറ്റുന്ന ചടങ്ങ് ഭക്തി നിർഭരമായ അന്തരീക്ഷത്തിൽ നടന്നു.

കൊയിലാണ്ടി: കൊല്ലം ശ്രീ പിഷാരികാവ് ക്ഷേത്രത്തിലെ ഏറെ പഴക്കമുള്ള കാരണവർ തറ പുതുക്കി പണിയുന്നതിന്റെ ഭാഗമായി ഉത്തരം കയറ്റുന്ന ചടങ്ങ് ഏറെ ഭക്തി നിർഭരമായ അന്തരീക്ഷത്തിൽ നടന്നു. പണ്ട് കാലത്ത് ക്ഷേത്ര ഊരാളൻമാർ ഉത്സവം കാണുന്നതും ,.കാളിയാട്ടം കുറിക്കുന്നതും കാരണവർ തറയിലിരുന്നാണ്. ഈ വർഷത്തെ കാളിയാട്ടം കുറിക്കുന്നത് ഫെബ്രുവരി 23 ന് ആണ്. കാലപ്പഴക്കം കൊണ്ട് ജീർണ്ണാവസ്ഥയിലായ കെട്ടിടം വലിയ തുക ചെലവിട്ടു കൊണ്ടാണ് നവീകരിക്കുന്നത്. ചടങ്ങിനോടനുബന്ധിച്ച് നടന്ന പൂജക്ക് ക്ഷേത്രം മേൽശാന്തി എൻ. നാരായണൻ മൂസ്സത്, ഷജേഷ് ആചാരി എന്നിവർ നേതൃത്വം നൽകി. ദേവസ്വം ചെയർമാൻ ഇളയിടത്ത് വേണുഗോപാൽ, ട്രസ്റ്റി ബോർഡ് മെമ്പർമാരായ കീഴയിൽ ബാലൻ നായർ , വാഴയിൽ ബാലൻ നായർ , മുണ്ടക്കൽ ഉണ്ണികൃഷ്ണൻ നായർ , പുനത്തിൽ നാരായണൻകുട്ടി നായർ, എരോത്ത് അപ്പുക്കുട്ടി നായർ , എം. ബാലകൃഷ്ണൻ, ദേവസ്വം മാനേജർ വി.പി. ഭാസ്കരൻ, കെ കെ. രാകേഷ് എന്നിവർ ചടങ്ങിൽ സംബന്ധിച്ചു.