പേരാമ്പ്ര : കേരള സംസ്ഥാന ബജറ്റിൽ ക്ഷേമ പെൻഷൻ വർദ്ധിപ്പിക്കാതെയും ആശ്വാസ കിരണം പദ്ധതി വഴി നൽകി വരുന്ന സാമ്പത്തി സഹായം നിർത്തി വെച്ച് ഭിന്നശേഷിക്കാരെയും അവരുടെ ആശ്രിതരേയും അഗണിച്ച് മുന്നോട്ട് പോകുന്ന സർക്കാർ പ്രവണതക്കെതിരെ പൊതു സമൂഹം ഒറ്റക്കെട്ടായി പ്രതിഷേധി സ്വരം ഉയർത്തണമെന്ന് കോഴിക്കോട് ജില്ലാ മുസ്ലീം ലീഗ് സെക്രട്ടറി സി.പി.എ.അസീസ് മാസ്റ്റർ പ്രസ്താവിച്ചു.
പേരാമ്പ്ര നിയോജക മണ്ഡലം ഡിഫ്രൻ്റ്ലി ഏബിൾഡ് പീപ്പിൾസ് ലീഗ് (ഡി.എ.പി.എൽ) കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം.
പേരാമ്പ്ര നിയോജക മണ്ഡലം ഡി.എ പി.എൽ ഭാരവാഹികളായി കുഞ്ഞമ്മദ് കക്കറ മുക്ക് (പ്രസിഡണ്ട്), ഹമീദ് സി , എം.സി ഇമ്പിച്ചി ആലി,സാവിത്ത് എൻ.വി (വൈസ് പ്രസിഡണ്ടുമാർ) എ.വി യൂസുഫ് തുറയൂർ (ജനറൽ സെക്രട്ടറി ) ലത്തീഫ്കല്ലോട്, ഫൈസൽ മൂരികുത്തി, റിയാസ് വി.പി.തുറയൂർ (സെക്രട്ടറിമാർ) ടി.നിസാർ (ട്രഷറർ) എന്നിവരെ തിരഞ്ഞെടുത്തു.
നിയോജക മണ്ഡലം മുസ്ലീം ലീഗ് ട്രഷറർ എം.കെ സി. കുട്ട്യാലി സാഹിബ്, ഡി. എ.പി.എൽ ജില്ലാ ജനറൽ സെക്രട്ടറി മുഹമ്മദ് എൻ.സി, അബ്ദുൽ അസീസ് നമ്പ്രത്ത്കര, ഹമീദ് സി , ലത്തീഫ് കല്ലോട്, ഫൈസൽ, സലാം, ഉബൈദ് എന്നിവർ സംസാരിച്ചു. കുഞ്ഞമ്മദ് കക്കറമുക്ക് അദ്ധ്യക്ഷത വഹിച്ചു. എ.വി യൂസുഫ് സ്വാഗതം പറഞ്ഞു.ടി. നിസാർ നന്ദി രേഖപ്പെടുത്തി.
