മേപ്പയ്യൂർ ഫെസ്റ്റ് വിദ്യാഭ്യാസ സെമിനാർ നടത്തി

മേപ്പയ്യൂർ ഫെസ്റ്റ് 25 ജനകീയ സാംസ്കാരികോത്സവത്തിൻ്റെ ഭാഗമായി ‘കേരള വിദ്യാഭ്യാസം ഇന്നലെ ഇന്ന് നാളെ’ എന്ന വിഷയത്തെ ആസ്പദമാക്കി നടത്തിയ വിദ്യാഭ്യാസ സെമിനാർ മുൻ വിദ്യാഭ്യാസ വകുപ്പ് മന്ത്രി പ്രൊഫ: സി രവീന്ദ്രനാഥ് ഉദ്ഘാടനം ചെയ്തു. വി.പി ബിജു അധ്യക്ഷനായി. യൂത്ത് ലീഗ് ദേശീയ സെക്രട്ടറി അഡ്വ: നജ്മ തബ്ഷീറ, എം.എം സജീന്ദ്രൻ, പി സുധാകരൻ, ഫെസ്റ്റ് കോഡിനേറ്റർ എ.സി അനൂപ്, ഗ്രാമപഞ്ചായത്ത് അംഗം സറീന ഒളോറ എന്നിവർ സംസാരിച്ചു. പ്രൊഫ: സി.പി അബൂബക്കർ മോഡറേറ്ററായിരുന്നു. തുടർന്ന് നടന്ന വ്യാപാരി സെമിനാർ മുൻ ബ്ലോക്ക് പഞ്ചായത്ത് പ്രസിഡൻ്റ് കെ കുഞ്ഞിരാമൻ ഉദ്ഘാടനം ചെയ്തു. ഷംസുദ്ദീൻ കമ്മന അധ്യക്ഷനായി. ബാപ്പു ഹാജി, സന്തോഷ് സെബാസ്റ്റ്യൻ, എൻ.സുഗുണൻ എന്നിവർ സംസാരിച്ചു. തുടർന്ന് കണ്ണൂർ ഷരീഫ് അവതരിപ്പിച്ച ഗാനമേളയും നടന്നു.