കേരള ഗവണ്മെന്റ് സർവീസ് പെൻഷൻകാർക്ക് അഞ്ചു വർഷത്തിലൊരിക്കൽ നടപ്പിലാക്കി വരുന്ന പെൻഷൻ പരിഷ്കരണം ഉടൻ നടപ്പിലാക്കണമെന്നും ക്ഷാമാശ്വാസ കുടിശ്ശിക അനുവദിച്ചു നൽകണമെന്നും കേരള സ്റ്റേറ്റ് സർവീസ് പെന്ഷനേഴ്സ് യൂണിയൻ ഇരിങ്ങൽ യൂണിറ്റ് സമ്മേളനം ആവശ്യപ്പെട്ടു. അയനിക്കാട് പോസ്റ്റ് ഓഫീസിനു സമീപം വെച്ച് നടന്ന സമ്മേളനം പയ്യോളി നഗരസഭ വികസന സ്റ്റാന്റിങ് കമ്മിറ്റി ചെയർമാൻ അഷ്റഫ് കോട്ടക്കൽ ഉദ്ഘാടനം ചെയ്തു.
ജില്ലാ കമ്മിറ്റി അംഗങ്ങളായ വി പി നാണു മാസ്റ്റർ, എൻ കെ ബാലകൃഷ്ണൻ,
ബ്ലോക്ക് സെക്രട്ടറി എ എം കുഞ്ഞിരാമൻ, ബ്ലോക്ക് കമ്മിറ്റി അംഗങ്ങളായ വനജ വി, ധനജ്ഞയൻ കെ, ജനാർദ്ദനൻ, രാജൻ കെ വി, എന്നിവർ ആശംസ പ്രസംഗം നടത്തി. സെക്രട്ടറി വി കെ നാസർ പ്രവർത്തന റിപ്പോർട്ടും ട്രഷറർ കെ കെ ബാബു വരവുചെലവ് കണക്കുകളും അവതരിപ്പിച്ചു. പി വി ബാബു സ്വാഗതം പറയുകയും കെ ടി കേളപ്പൻ അധ്യക്ഷത വഹിക്കുകയും ടി രമേശൻ നന്ദി പറയുകയും ചെയ്തു. പുതിയ കമ്മിറ്റി ഭാരവാഹികളായി കെ കെ രാജേന്ദ്രൻ (പ്രസിഡണ്ട്) ചന്ദ്രിക എം.ടി, സച്ചിദാനന്ദൻ യു.കെ, ശശാങ്കൻ കെ, (വൈസ് പ്രസിഡണ്ട്) വി കെ നാസർ (സെക്രട്ടറി) പി.വി. ബാബു, ടി രമേശൻ, സജീവൻ മാസ്റ്റർ കെ (ജോയിൻ്റ് സെക്രട്ടറി) കെ.കെ. ബാബു (ഖജാൻജി) എന്നിവരെ തെരഞ്ഞെടുത്തു.
