കുറുവങ്ങാട് മണക്കുളങ്ങര ക്ഷേത്ര മഹോത്സവം ഫെബ്രുവരി 9 മുതല്‍ 13 വരെ

കുറുവങ്ങാട് മണക്കുളങ്ങര ക്ഷേത്ര മഹോത്സവം ഫെബ്രുവരി 9 മുതല്‍ 13 വരെ ആഘോഷിക്കും. 9ന് രാവിലെ കലവറ സമര്‍പ്പണം. വൈകീട്ട് ആറ് മണിക്ക് തിരുവാതിരക്കളി, തുടര്‍ന്ന് പഞ്ചാരിമേളം അരങ്ങേറ്റം, തായമ്പക, കലാസന്ധ്യ. 10ന് വൈകീട്ട് സോപാന സംഗീതം. ഋതുപര്‍ണ്ണഘോഷ്, അദ്വൈത്, ആദിദേവ് എന്നിവരുടെ ത്രീബിള്‍ തായമ്പക. സോപാന നൃത്തം, നടനം ഫ്യൂഷന്‍ സംഗീത വിരുന്ന്. 11ന് രാവിലെ ആറാട്ട് കുടവരവ്, വൈകീട്ട് തായമ്പക-ജഗന്നാഥന്‍ രാമനാട്ടുകര. പ്രഭാഷണം ശരത്ത് പാലോട്ട്, രാത്രി എട്ടിന് ഗാനമേള. 12ന് ഉച്ചാല്‍ മഹോത്സവം. ഉച്ചയ്ക്ക് പ്രസാദഊട്ട്, നാല് മണിക്ക് പഞ്ചാരിമേളം. തണ്ടാന്റെയും മറ്റ് അവകാശികളുടെയും വരവുകളും, കൊണ്ടംവള്ളി, കുറുവങ്ങാട് സെന്‍ട്രല്‍ എന്നിവിടങ്ങളില്‍ നിന്നുളള ആഘോഷവരവുകളും, നാലുപുരക്കല്‍ നാഗകാളി ഭഗവതി ക്ഷേത്രം എന്നിവിടങ്ങളില്‍ നിന്നുളള ആചാര വരവുകളും ക്ഷേത്രത്തിലെത്തും. 6.30ന് നട്ടത്തിറോട് കൂടിയ താലപ്പൊലി, ഇരട്ടത്തായമ്പക-കലാമണ്ഡലം ശിവദാസ്, കലാമണ്ഡലം സനൂപ്, തുടര്‍ന്ന് ഭഗവതി തിറ. 13ന് താലപ്പൊലി മഹോത്സവം. ഉച്ചയ്ക്ക് പ്രസാദ ഊട്ട്, അണേലയില്‍ നിന്നുളള ആഘോഷവരവുകള്‍, വൈകീട്ട് ആറ് മണിക്ക് കുറുവങ്ങാട് ശിവക്ഷേത്രത്തിലേക്കുളള എഴുന്നളളിപ്പ്, താലപ്പൊലിയോട് കൂടിയ മടക്കെഴുന്നളളിപ്പ്, കരിമരുന്ന് പ്രയോഗം, പുലര്‍ച്ചെ രുധിരക്കോലം, കോലംവെട്ട്.