കീഴരിയൂർ മണ്ഡലത്തിലെ മഹാത്മാഗാന്ധി കുടുംബ സംഗമം ഉദ്ഘാടനം ചെയ്തു

കീഴരിയൂർ മണ്ഡലത്തിലെ മഹാത്മാഗാന്ധി കുടുംബ സംഗമത്തിന് തുടക്കം കുറിച്ച് പതിനൊന്നാം വാർഡ് സംഗമം കോൺഗ്രസ് നേതാവ് കാവിൽ പി.മാധവൻ ഉദ്ഘാടനം ചെയ്തു.  കീഴരിയൂർ- രാഷ്ട്രപിതാവ് മഹാത്മാഗാന്ധിയെ കൊലചെയ്ത തീവ്രഹിന്ദുത്വ വാദികൾ ഇന്ത്യൻ ഭരണഘടനയെ തകർക്കാനാണിപ്പോൾ ശ്രമിക്കുന്നതെന്നും ഇവർ രാജ്യത്തിന് അപകടകാരികളാണെന്നും പി.മാധവൻ ഉദ്ഘാടന പ്രസംഗത്തിൽ പറഞ്ഞു. ദീപക് കൈപ്പാട്ട് അധ്യക്ഷത വഹിച്ചു. മണ്ഡലം കോൺഗ്രസ് പ്രസിഡണ്ട് ഇടത്തിൽ ശിവൻ മുഖ്യപ്രഭാഷണം നടത്തി. ബ്ലോക്ക് കോൺഗ്രസ് ഭാരവാഹികളായ കെ.കെ.ദാസൻ, ഇ രാമചന്ദ്രൻ, ശശി പാറോളി, രജിത കെ.വി, ചുക്കോത്ത് ബാലൻ നായർ, പഞ്ചായത്ത് മെമ്പർമാരായ കെ.സി രാജൻ, ഇ.എം മനോജ്, സവിത നിരത്തിൻ്റെ മീത്തൽ, മഹിളാ കോൺഗ്രസ് നേതാക്കളായ ഗിരിജ മനത്താനത്ത്, സുലോചന സിറ്റാഡൽ, എൻ.ടി.ശിവാനന്ദൻ, കെ.കെ സത്യൻ എന്നിവർ പ്രസംഗിച്ചു.