കൊയിലാണ്ടി മേഖലയിൽ മെക് 7 ഹെൽത്ത് ക്ലബിൻ്റെ വ്യായാമമുറ പരിശീലനം തുടങ്ങിയതിൻ്റെ വാർഷികാഘോഷ പരിപാടികളും 35 യൂണിറ്റുകളുടെ ഉദ്ഘാടനവും കൊയിലാണ്ടി സ്പോർട്സ് കൗൺസിൽ സ്റ്റേഡിയത്തിൽ നടന്നു. ആയിരത്തിൽപരം മെക് 7 അംഗങ്ങൾ പങ്കെടുത്ത വ്യായാമ പരിശീലനത്തിന് ഫൗണ്ടർ ക്യാപ്റ്റൻ പി സലാഹുദ്ദീൻ നേതൃത്വം നൽകി. വ്യായാമ ഇനങ്ങളുടെ പ്രയോജനങ്ങളെക്കുറിച്ച് ബ്രാൻ്റ് അംബാസഡർ അറക്കൽ ബാവ വിശദീകരിച്ചു. തുടർന്ന് നടന്ന സംഗമം കൊയിലാണ്ടി മുനിസിപ്പൽ ചെയർപേഴ്സൺ സുധ കിഴക്കെപ്പാട്ട് ഉദ്ഘാടനം ചെയ്തു. ആധുനിക കാലത്ത് ജീവിത ശൈലീ രോഗങ്ങൾ കൊണ്ട് പ്രയാസപ്പെടുന്നവർ വിവിധ പ്രദേശങ്ങളിൽ വിവിധ തരം വ്യായാമ പരിശീലനങ്ങളിൽ ഏർപ്പെടുന്നത് പ്രശംസനീയമാണെന്നും ഇത്തരം കൂട്ടായ്മകൾ കൂടുതൽ പ്രചരിക്കണമെന്നും അവർ പറഞ്ഞു.
സംഗമത്തിൽ സ്വാഗതസംഘം ചെയർമാൻ വി പി ഇബ്രാഹിംകുട്ടി അധ്യക്ഷം വഹിച്ചു. സാഹിത്യകാരൻ ഡോ.സോമൻ കടലൂർ മുഖ്യ പ്രഭാഷണം നടത്തി. മുൻ പി എസ് സി അംഗം ടി ടി ഇസ്മായിൽ, സാമൂഹ്യ പ്രവർത്തകൻ ബാലൻ അമ്പാടി, വൈസ് ക്യാപ്റ്റൻ മുഹമ്മദ് ഷാ, ചീഫ് കോഡിനേറ്റർ മുസ്തഫ പെരുവള്ളൂർ, നോർത്ത് സോൺ കോഡിനേറ്റർ ഹഫ്സത്ത് ടീച്ചർ, ജില്ലാ കോഡിനേറ്റർമാരായ എൻ കെ മുഹമ്മദ് മാസ്റ്റർ, ഡോ.മിന നാസർ, ജില്ലാ അഡ്മിനിസ്ട്രേറ്റീവ് ബോർഡ് അംഗങ്ങളായ ബഷീർ മേലടി, പ്രസീന ടീച്ചർ, അബ്ദുറഹിമാൻ വർദ്, പ്രമുഖ മോട്ടിവേഷൻ സ്പീക്കർ ഷാഫി കളത്തിങ്ങൽ, ബാപ്പു തേഞ്ഞിപ്പാലം, ഫൈസൽ പടിക്കൽ, സിദ്ദീഖ് മാസ്റ്റർ, മേഖല കോഡിനേറ്റർമാരായ നിയാസ് എകരൂൽ, റസാഖ് ചെറുവറ്റ, ആയിശ പെരുവട്ടൂർ, സുരേന്ദ്രൻ മുചുകുന്ന്, സജ്ന കടലൂർ, തുടങ്ങിയവർ പ്രസംഗിച്ചു.
കടലൂരിലെ വാർഷികം പരിഗണിച്ച് ഭാരവാഹികളായ ടി കെ നാസർ നന്തി, അലി കൂടത്തിൽ, പി പി എ കരീം, സുബൈർ കെ വി കെ എന്നിവരെ ആദരിച്ചു.
വിദേശ സർവകലാശാലയിൽ നിന്ന് ഹോണററി ഡോക്ടറേറ്റ് നേടിയ ക്യാപ്റ്റനെയും ബ്രാൻ്റ് അംബാസിഡറെയും, ട്രൈനർമാരെയും ഉപഹാരങ്ങൾ നൽകി ആദരിച്ചു. യൂണിറ്റുകൾക്ക് ജില്ലാ കമ്മിറ്റിയുടെ സർട്ടിഫിക്കറ്റുകൾ വിതരണം ചെയ്തു. നോർത്ത് സോൺകോഡിനേറ്റർ ഡോ.ഇസ്മയിൽ മുജദ്ദിദി സ്വാഗതവും മേഖലാ കോഡിനേറ്റർ മുസ്തഫ കുന്നുമ്മൽ നന്ദിയും പറഞ്ഞു.
