റെക്കോർഡ് വിൽപ്പനയുമായി കേരള സർക്കാരിൻ്റെ ക്രിസ്തുമസ് – നവവത്സര ബമ്പർ. നറുക്കെടുപ്പിന് 13 ദിവസം മാത്രം ബാക്കി നിൽക്കെ ചൂടപ്പം പോലെയാണ് ടിക്കറ്റുകൾ വിറ്റുതീരുന്നത്. 400 രൂപ വിലയുള്ള ഈ ഭാഗ്യക്കുറിയുടെ ഒന്നാം സമ്മാനം 20 കോടി രൂപയാണ്. വിതരണത്തിന് നൽകിയ 40 ലക്ഷം ടിക്കറ്റുകളിൽ 33,78,990 ടിക്കറ്റുകൾ വിറ്റ് തീർന്നു.
ഒന്നാം സമ്മാനം 20 കോടി രൂപയാണ്. 20 പേർക്ക് ഒരു കോടി രൂപ വീതമാണ് രണ്ടാം സമ്മാനമായി നൽകും. മൂന്നാം സമ്മാനം 10 ലക്ഷം വീതം ഓരോ പരമ്പരയ്ക്കും 3 വീതം ആകെ 30 പേർക്കും നൽകും. നാലാം സമ്മാനമായി 3 ലക്ഷം വീതം ഓരോ പരമ്പരയ്ക്കും 2 വീതം 20 പേർക്കും അഞ്ചാം സമ്മാനം 2 ലക്ഷം രൂപ വീതം ഓരോ പരമ്പരയ്ക്കും രണ്ടു വീതം 20 പേർക്കും നൽകുന്നുണ്ട്. ഫെബ്രുവരി 5-ാം തീയ്യതിയിലാണ് നറുക്കെടുപ്പ് നടക്കുന്നത്.
