കുറ്റ്യാടി: വയനാട് ചൂരൽമല ദുരിതബാധിതർക്ക് ഐക്യദാർഡ്യം പ്രഖ്യാപിച്ച്, ഉരുൾ പൊട്ടൽ ദുരന്തത്തെ ശബ്ദവിത്യാസങ്ങളിലൂടെ പുനരാവിഷ്കരിച്ച് സംസ്ഥാന കലോത്സവത്തിൽ മിമിക്രി മത്സരത്തിൽ എ ഗ്രേഡ് കരസ്ഥമാക്കിയ കുറ്റ്യാടി ഗവ: ഹയർ സെക്കണ്ടറി സ്കൂൾ വിദ്യാർത്ഥി ഊരത്ത് വലിയ വീട്ടിൽ അൻജിത്തിനെ ഊരത്ത് മേഖല കോൺഗ്രസ്സ് കമ്മിറ്റിയുടെ നേതൃത്വത്തിൽ അനുമോദിച്ചു. ചെറിയ ക്ലാസുകളിൽ പഠിക്കുമ്പോഴേ സ്വയം ആർജിച്ച് തന്നെ അൻജിത്ത് കലാകായിക മത്സരങ്ങളിൽ ഒട്ടനവധി സമ്മാനങ്ങളും മെഡലുകളും നേടിയിട്ടുണ്ട്. വലിയ വീട്ടിൽ സജിത്ത് ശ്രീജ ദമ്പതികളുടെ മകനാണ്. അനുമോദന ചടങ്ങിൽ ബ്ലോക്ക് കോൺഗ്രസ്സ് പ്രസിഡൻ്റ് ശ്രീജേഷ് ഊരത്ത് ഉപഹാരം നൽകി. ബൂത്ത് പ്രസിഡൻ്റ് പി പി ദിനേശൻ അധ്യക്ഷത വഹിച്ചു. സി.കെ രാമചന്ദ്രൻ, പി.പി ശശികുമാർ, വി.എം മഹേഷ്, എൻ.കെ ദാസൻ, പി കുഞ്ഞിരാമൻ, എന്നിവർ പ്രസംഗിച്ചു.
വി വി അൻജിത്തിനെ കോൺഗ്രസ്സ് അനുമോദിച്ചു
