പയ്യോളി മുനിസിപ്പാലിറ്റിയിലെ കീഴൂരില്‍ പ്രവര്‍ത്തിക്കുന്ന റേഷന്‍ കടയില്‍ രജിസ്റ്റര്‍ ചെയ്യപ്പെട്ട വളരെ പാവപ്പെട്ടവര്‍ കൈവശം വെക്കേണ്ട അന്ത്യോദയ അന്നയോജന വിഭാഗത്തില്‍പ്പെട്ട മുഴുവന്‍ റേഷന്‍ കാര്‍ഡുടമകളുടെ വീടുകളിലും കൊയിലാണ്ടി താലൂക്ക് സപ്ലൈ ഓഫീസര്‍ ശ്രീ.ചന്ദ്രന്‍ കുഞ്ഞിപ്പറമ്പത്തിന്റെ നേതൃത്വത്തില്‍ പരിശോധന നടത്തിയതില്‍ അനര്‍ഹമായി റേഷന്‍ വിഹിതം കൈപ്പറ്റിയ പതിനഞ്ച് റേഷന്‍ കാര്‍ഡുകള്‍ പിടിച്ചെടുത്തു. അതിദരിദ്രര്‍, അഗതി, ആശ്രയ വിഭാഗത്തില്‍പ്പെട്ടവര്‍ക്കായുള്ള റേഷന്‍ ആനുകൂല്യങ്ങള്‍ 1000 ചതുരശ്ര അടിയില്‍ അധികം അളവിലുള്ള വീട്, കാര്‍ ഉള്‍പ്പെടെയുള്ള സുഖസൌകര്യങ്ങള്‍ അനുഭവിക്കുന്നവരെയാണ് അനര്‍ഹരായി കണ്ടെത്തിയിട്ടുള്ളത്. അനര്‍ഹരായി കണ്ടെത്തിയ കാര്‍ഡുടമകളില്‍ നിന്നും കൈപ്പറ്റിയ റേഷന്‍ സാധനങ്ങളുടെ കമ്പോള വില ഈടാക്കാനും, പ്രോസിക്യൂഷന്‍ ഉള്‍പ്പെടെയുള്ള നിയമ നടപടികള്‍ സ്വീകരിക്കാനും തീരുമാനിച്ച് നോട്ടീസ് നല്‍കിയിട്ടുണ്ട്. പരിശോധനയില്‍ റേഷനിംഗ് ഇന്‍സ്പെക്ടര്‍മാരായ നാരായണന്‍ ഒ.കെ, ശ്രീനിവാസന്‍ പുളിയുള്ളതില്‍, ബിജു കെ കെ, ശ്രീജു എം, സുനില്‍ കുമാര്‍ എസ് ജീവനക്കാരനായ ശ്രീജിത്ത് കുമാര്‍ കെ പി എന്നിവരും പങ്കെടുത്തു. വരും ദിവസങ്ങളിലും താലൂക്കിന്റെ വിവിധ ഭാഗങ്ങളില്‍ പരിശോധന ഊര്‍ജിതമാക്കുമെന്ന് താലൂക്ക് സപ്ലൈ ഓഫീസര്‍ അറിയിച്ചു.
കീഴൂരില്‍ പ്രവര്‍ത്തിക്കുന്ന റേഷന്‍ കടയില്‍ കൊയിലാണ്ടി താലൂക്ക് സപ്ലൈ ഓഫീസര്‍ നടത്തിയ പരിശോധനയിൽ അനര്‍ഹമായി റേഷന്‍ വിഹിതം കൈപ്പറ്റിയ പതിനഞ്ച് റേഷന്‍ കാര്‍ഡുകള്‍ പിടിച്ചെടുത്തു
Latest from Local News
കൊയിലാണ്ടി സ്പെഷ്യാലിറ്റി പോളിക്ലിനിക്കിൽ മെയ്‌ 14 ബുധനാഴ്ച പ്രവർത്തിക്കുന്ന ഒപികളും ഡോക്ടർമാരും സേവനങ്ങളും.. 1. ജനറൽ പ്രാക്ടീക്ഷണർ ഡോ: മുസ്തഫ
കോഴിക്കോട് ഗവ: മെഡിക്കൽകോളേജ്ഹോസ്പിറ്റൽ 14-05-25 ബുധൻ പ്രവർത്തിക്കുന്ന ഒ.പി വിഭാഗങ്ങൾ. പ്രധാനഡോക്ടർമാർ 👉 ജനറൽ മെഡിസിൻ ഡോഅബ്ദുൽ മജീദ് 👉സർജറിവിഭാഗം ഡോ.
പഹൽഗാം സംഭവത്തെത്തുടർന്ന് രാജ്യത്ത് നിലനിൽക്കുന്ന പ്രത്യേക സാഹചര്യത്തിൻ്റെ പശ്ചാത്തലത്തിൽ ജില്ലയിൽ മുൻകൂർ അനുമതിയില്ലാതെ വിനോദസഞ്ചാരികളോ സ്വകാര്യ വ്യക്തികളോ മറ്റ് വ്യക്തികളൊ ഡ്രോൺ,
വന്യജീവി ആക്രമണത്തിൽ കൊല്ലപ്പെടുന്നവരുടെ കുടുംബത്തിന് പത്തു ലക്ഷം രൂപ സഹായധനം പ്രഖ്യാപിച്ച് സർക്കാർ. നാലു ലക്ഷം രൂപ ദുരന്ത പ്രതികരണനിധിയിൽ നിന്നും
കോഴിക്കോട് താലൂക്ക് പരിധിയില്‍ അടിയന്തിരഘട്ടത്തില്‍ ഉപയോഗിക്കുന്നതിനായി ജെസിബി, ഹിറ്റാച്ചി, ടിപ്പര്‍, ക്രെയിന്‍, വള്ളങ്ങള്‍, ബോട്ടുകള്‍, മരംമുറി യന്ത്രങ്ങള്‍, ജനറേറ്ററുകള്‍, ലൈറ്റുകള്‍ എന്നിവക്ക്