കൊയിലാണ്ടി: ജില്ലാ വിദ്യാഭ്യാസ വകുപ്പും പ്രൊഫ. ശോഭീന്ദ്രന് ഫൗണ്ടേഷനും ചേര്ന്ന് നിറവ് സീറോ വേസ്റ്റ് മാനേജ്മെന്റിന്റെ സഹായത്തോടെ നടപ്പിലാക്കുന്ന ‘ഹരിതഭവനം’ പദ്ധതിയുടെ ജനകീയ മോണിറ്ററിങ്ങിന് കൊയിലാണ്ടി ഉപജില്ലയില് തുടക്കമായി. 12000 ലേറെ ഹരിതഭവനങ്ങളില് മോണിറ്ററിംഗ് സമിതി അംഗങ്ങള് സന്ദര്ശിച്ച്, മൂന്ന് പെട്ടികള് വച്ച് മാലിന്യങ്ങള് ശേഖരിക്കുന്ന പ്രവര്ത്തനം വിലയിരുത്തുകയും വിദ്യാര്ത്ഥികളോടും കുടുംബാംഗങ്ങളോടും ആശയവിനിമയം നടത്തുകയും ചെയ്യുന്നതാണ് മോണിറ്ററിങ്ങിന്റെ രീതി. കാനത്തില് ജമീല എം.എല്.എയുടെ നേതൃത്വത്തില് കൊയിലാണ്ടി ജി.വി.എച്ച്.എസ്.എസിലെ വിദ്യാര്ഥികളായ പെരുവട്ടൂരിലെ ‘പിതൃ പുണ്യം’ വീട്ടില് പൂര്ണ്ണശ്രീ, മാനസ എന്നിവരുടെ ഹരിത ഭവനം സന്ദര്ശിച്ച് മോണിറ്ററിംഗ് നടത്തി. പ്രൊഫ ശോഭീന്ദ്രന് ഫൗണ്ടേഷന് പ്രസിഡണ്ട് വടയക്കണ്ടി നാരായണന് പദ്ധതി വിശദീകരിച്ചു. എ.ഇ.ഒ എം.കെ മഞ്ജു, ബാലന് അമ്പാടി, നിറവ് ഡയറക്ടര് ബാബു പറമ്പത്ത്, ഹരിത ഭവനം കൊയിലാണ്ടി ഉപജില്ല കോഡിനേറ്റര്മാറായ ടി.കെ സുവൈബ, ഷിബു എടവന, കൊയിലാണ്ടി മുന്സിപ്പല് തല കോഡിനേറ്റര് ടി.കെ.മനോജ്, എം.സി സ്വര്ണ്ണ, കൊയിലാണ്ടി ജി.വി.എച്ച്.എസ്.എസ് പി.ടി.എ പ്രസിഡന്റ് വി. സുചീന്ദ്രന്, ഹെഡ്മാസ്റ്റര് കെ.കെ.സുധാകരന്, ഫൗണ്ടേഷന് സെക്രട്ടറി സെഡ്.എ.സല്മാന്, ട്രഷറര് എം.ഷഫീഖ്, മിനി ചന്ദ്രന്, കെ.ഗ്രീജീഷ് തുടങ്ങിയവര് പങ്കെടുത്തു. സരസ്വതി ബിജു പരിസ്ഥിതി കവിത ചൊല്ലി.
ഹരിത ഭവനം: എം.എല്.എയുടെ നേതൃത്വത്തില് ജനകീയ മോണിറ്ററിങ്ങ് കൊയിലാണ്ടി ഉപജില്ലയില് തുടക്കമായി
