നാദാപുരം : സമൂഹത്തിൽ വ്യാപിക്കുന്ന ലഹരി ഉപയോഗത്തിനെതിരെ കാര്യക്ഷമമായ കർമ്മ പദ്ധതികൾ നടപ്പിൽ വരുത്തണമെന്ന് വിസ്ഡം സ്റ്റുഡന്റസ് കോഴിക്കോട് ജില്ലാ കമ്മിറ്റി സംഘടിപ്പിച്ച ജില്ലാ മുജാഹിദ് വിദ്യാർത്ഥി സമ്മേളനം ആവശ്യപെട്ടു.
ലഹരി ഉപയോഗം തുടങ്ങുമ്പോൾ മാത്രമാണ് ഒരു വിദ്യാർത്ഥിയെ അതിൽ നിന്നും മോചിപ്പിക്കാനുള്ള ചിന്ത പലപ്പോഴും സമൂഹത്തിൽ കടന്നു വരുന്നത്. അതിനപ്പുറം ലഹരിയുടെ അപകടങ്ങളും ലഹരി മുക്ത ജീവിതം സാധ്യമാക്കുന്ന നന്മയുടെ ജീവിത സങ്കല്പത്തെ കുറിച്ചും ചെറുപ്രായത്തിൽ തന്നെ കുട്ടികളെ ബോധവൽക്കരിക്കണം. വിദ്യാർഥികളെ സാമൂഹിക പ്രവർത്തനങ്ങളിൽ ഏർപെടുത്തി അവരുടെ ഒഴിവ് സമയങ്ങൾ ഫലപ്രതമാക്കുകയും മറ്റു അനാവശ്യ ഇടപാടുകളിലേക് സമയവും ചിന്തയും എത്താനില്ലാത്ത വിധം വിദ്യാർത്ഥി സൗഹൃദമായ സാമൂഹിക പ്രവർത്തന പദ്ധതികൾ റെസിഡൻസ് അസോസിയേഷൻ തലത്തിൽ ഉൾപെടുത്തി സാമൂഹിക പ്രവർത്തനങ്ങളിൽ വിദ്യാർത്ഥി ഇടപെടലുകൾ ഉറപ്പിക്കണം. അത്തരം പദ്ധതികൾ വിദ്യാർഥികളെ സാമൂഹിക വിരുദ്ധ പ്രവൃത്തികളിൽ ഏർപ്പെടുന്നതിൽ നിന്നും തടയാൻ പ്രേരിപ്പിക്കുമെന്നും സംഗമം അഭിപ്രായപ്പെട്ടു.
സംഗമം വിസ്ഡം ഇസ്ലാമിക് ഓർഗനൈസേഷൻ ജില്ലാ പ്രസിഡണ്ട് ടിപി അബ്ദുൽ അസീസ് ഉദ്ഘാടനം ചെയ്തു. വിസ്ഡം സ്റ്റുഡൻ്റ്സ് ജില്ലാ പ്രസിഡണ്ട് മൂനിസ് അൻസാരി അധ്യക്ഷത വഹിച്ചു. മെയ് 11 ന് പെരിന്തൽമണ്ണയിൽ നടക്കുന്ന കേരള സ്റ്റുഡൻ്റ്സ് കോൺഫറൻസിൻ്റെ ഭാഗമായാണ് സമ്മേളനം സംഘടിപ്പിച്ചത്. വിസ്ഡം യൂത്ത് സംസ്ഥാന ജനറൽ സെക്രട്ടറി ടി കെ നിഷാദ് സലഫി മുഖ്യപ്രഭാഷണം നിർവഹിച്ചു. നാദാപുരം ഗ്രാമപഞ്ചായത്ത്‌ പ്രസിഡന്റ്‌ വിവി മുഹമ്മദ് അലി, വിസ്ഡം നാദാപുരം മണ്ഡലം സെക്രട്ടറി ഡോ. അബ്ദു റസാഖ് ആശംസകൾ നേർന്നു. വിസ്ഡം യൂത്ത് സംസ്ഥാന കമ്മിറ്റിയംഗം സഫീർ അൽഹികമി, ഹാരിസ് ആറ്റൂർ വിവിധ വിഷയങ്ങൾ അവതരിപ്പിച്ചു. വിസ്ഡം സ്റ്റുഡൻ്റ്സ് ജില്ലാ സെക്രട്ടറി സ്വാലിഹ് അൽ ഹികമി സ്വാഗതവും ട്രഷറർ വി.കെ ബാസിം മുഹമ്മദ് നന്ദിയും പറഞ്ഞു. സമാപന സമ്മേളനം വിസ്ഡം സ്റ്റുഡൻ്റ്സ് സംസ്ഥാന വൈസ് പ്രസിഡണ്ട് സഫ്‌വാൻ ബാറാമി അൽ ഹികമി ഉദ്ഘാടനം ചെയ്തു. ജില്ലാ വൈസ് പ്രസിഡണ്ട് സൈഫുല്ല പയ്യോളി അധ്യക്ഷത വഹിച്ചു. വിസ്ഡം മണ്ഡലം പ്രസിഡണ്ട് നസീർ ചീക്കൊന്ന്,ഫായിസ് പേരാമ്പ്ര, ആദിൽ അമീൻ പൂനൂർ,സയ്യിദ് വിജ്ദാൻ അൽ ഹികമി, അബൂബക്കർ സംസാരിച്ചു
