സ്ത്രീ ശാക്തീകരണത്തിന്റെ കഥയുമായി നാടകം കളിക്കാൻ ഒരുങ്ങുകയാണ് വിയ്യൂരിലെ ഒരു കൂട്ടം സ്ത്രീകൾ. പലരാലും അടിച്ചമർത്തപ്പെടുമ്പോളുള്ള നൊമ്പരവും ഒറ്റപ്പെട്ടുപോകുമ്പോൾ ഉണ്ടാകുന്ന വേദനയും അതിജീവനത്തിനായുള്ള ചവിട്ടുപടികൾ ആണെന്ന് നാടകം വിളിച്ചുപറയുന്നു. വസന്തപുരത്ത് ആരും കരയാറില്ല എന്ന് നാടകം നമ്മോട് പറയുമ്പോൾ ശക്തമായ ഉയർത്തെഴുന്നേൽപ്പ് അവനവൻ തന്നെ ഉണ്ടാക്കിയെടുക്കണമെന്ന ധ്വനിയാണ് വ്യക്തമാകുന്നത്. തളർന്നിരിക്കേണ്ടവളല്ല സ്ത്രീയെന്നും മഹത്തായ ശക്തിയോടെ ജീവിച്ചു പോകേണ്ടവളാണെന്നും നാടകം വിളിച്ചുപറയുന്നു.
അരങ്ങത്ത് ലൈസ അനിൽകുമാർ, ശാന്ത കൊക്കവയൽ, മഞ്ജുള രാജീവൻ, ദീപശിഖാ ഷാജി തുടങ്ങിയവർ വേഷമിടുന്നു. നാടകത്തിന്റെ രചനയും സംവിധാനവും ഡോ. വി എൻ സന്തോഷ് കുമാറും സംഗീതം ആദിത്യൻ മാസ്റ്ററും സാങ്കേതിക സഹായം അഡ്വ പി. കെ അനിൽകുമാറുമാണ്. 28നു വിയ്യൂരിൽ നാടകം അവതരിപ്പിക്കുന്നു.
