പുളിയഞ്ചേരി യു. പി സ്കൂളിലെ യു പി വിഭാഗം കുട്ടികൾക്ക് “ഒത്തുകൂടാം “ദ്വിദിന അവധികാല ക്യാമ്പ് നടത്തി

പുളിയഞ്ചേരി യു പി സ്കൂളിൽ 5,6,7 ക്ലാസ്സുകളിലെ വിദ്യാർത്ഥികൾക്കായി “ഒത്തുകൂടാം “ദ്വിദിന അവധിക്കാല ക്യാമ്പ് നടത്തി. സഹകരിച്ച് ജീവിക്കാൻ പഠിക്കുക, പരിപാടികളിൽ പങ്കെടുത്ത് വ്യക്തിപരവും സാമൂഹികവുമായ കഴിവുകൾ വികസിപ്പിക്കുക, ജനാധിപത്യപരമായ ജീവിതം ശീലിക്കുക, എന്നിവയായിരുന്നു ഇത്തരമൊരു ക്യാമ്പിന്റെ ലക്ഷ്യങ്ങൾ. വിദ്യാർത്ഥികൾക്ക് ആത്മവിശ്വാസം, വ്യക്തിത്വ വികാസം തുടങ്ങി ഒട്ടേറെ കഴിവുകൾ വർധിപ്പിക്കാൻ സഹായകമായ രീതിയിലായിരുന്നു പ്രവർത്തനങ്ങൾ ഒരുക്കിയിരുന്നത്. സംഗീതം, അഭിനയം, ചിത്രരചന തുടങ്ങി അറിവിന്റെ വ്യത്യസ്ത തലങ്ങളിലേക്ക് വിദ്യാർത്ഥികൾക്ക് കടന്നുചെല്ലാൻ കഴിയുന്ന രീതിയിലായിരുന്നു പരിപാടികൾ ആസൂത്രണം ചെയ്തത്.
പന്തലായനി ബി.പി.സി വികാസ് മാസ്റ്റർ പരിപാടി ഉദ്ഘാടനം ചെയ്തു. P T. Aപ്രസിഡന്റ്‌ പ്രബീഷ് കണാരൻകണ്ടി അദ്ധ്യക്ഷത വഹിച്ച ചടങ്ങിൽ പ്രധാന അധ്യപിക ഷംന ടീച്ചർ, വൈസ് പ്രസിഡന്റ്‌ ബിജു. E. K,M. P. T. A പ്രസിഡന്റ്‌ ജിഷ, റീജ ടീച്ചർ എന്നിവർ സംസാരിച്ചു. അഖിൽ മാസ്റ്റർ ക്യാമ്പ് വിശദീകരണം നൽകി.
ശ്രീജിത്ത്‌ കഞ്ഞിലശ്ശേരി നാടകകളരി എന്ന സെഷനിൽ കുട്ടികളുടെ അഭിനയ പാടവം പുറത്തെടുത്തു. പുലർവേളയിൽ യോഗചാര്യൻ ഡോ. അശോകൻ പിലാക്കാട്ടിന്റെ നേതൃത്വത്തിൽ യോഗമെഡിറ്റേഷനും നടന്നു. തുടർന്ന് ഭാവനയുടെ വാതിലുകൾ തുറന്ന് കുട്ടികൾക്ക് ചിത്രരചനയുടെ വിവിധ തലങ്ങൾ പരിചയപ്പെടുത്തി ശ്രീ മനോജ്‌ മരളൂർ.ഓരോ പ്രദേശത്തും നിലനിന്നിരുന്ന സാമൂഹ്യ വ്യവസ്ഥയെയും സംസ്കാരത്തെയും പ്രതിനിധാനം ചെയ്യുന്ന നാടൻപട്ടു കൾ പാടി ഫോക് ലോറിസ്റ്റ് സുനിൽ കുമാർ
സെഷൻ രസകരമാക്കി. തുടർന്ന് വാനനിരീക്ഷണം, ക്രിസ്തുമസ് ട്രീ, ക്രിസ്തുമസ് കരോൾ, ക്യാമ്പ് ഫയർ എന്നിങ്ങനെ ഒട്ടേറെ പരിപാടികൾ സംഘടിപ്പിച്ചു. കുട്ടികൾക്ക് ഏറെ കൗതുകവും അവരുടെ കഴിവുകൾ
വർദ്ധിപ്പിക്കാനും ഈ പരിപാടി ഏറെ സഹായകമായി.