പൂനൂർ : വളരെ ചെറിയ കുട്ടികൾ വരെ പല നിലയ്ക്കുമുള്ള ചൂഷണങ്ങൾക്കും പീഡനങ്ങൾക്കും വിധേയമാകുന്ന വേദനാജനകമായ അവസ്ഥ വർധിച്ചു വരുന്ന വർത്തമാനകാല സാഹചര്യത്തിൽ കുട്ടികളുടെ അവകാശ സംരക്ഷണവും സുരക്ഷയും ഉറപ്പാക്കാൻ ഭരണകൂടത്തിന്റെ ബോധപൂർവമായ ഇടപെടൽ ആവശ്യമാണെന്ന് വിസ്ഡം സ്റ്റുഡന്റ്സ് പൂനൂർ മണ്ഡലം സംഘടിപ്പിച്ച ‘കളിച്ചങ്ങാടം’ ബാലസമ്മേളനം അഭിപ്രായപ്പെട്ടു.
വിദ്യാലങ്ങളിലും സ്വന്തം വീടുകളിലും വരെ കുട്ടികൾ അതിക്രമത്തിന് വിധേയമാകുന്നത് ഇല്ലാതാക്കാൻ നിയമങ്ങൾ കൊണ്ട് മാത്രം സാധ്യമല്ല എന്നാണ് അനുഭവ പാഠം.
ധാർമിക ബോധത്തിന്റെ അഭാവവും കുറ്റകൃത്യങ്ങൾക്ക് ശിക്ഷ ലഭിക്കാതെ പോകുന്ന സാഹചര്യവും കുറ്റവാളികളെ വളർത്തുന്നതിൽ ചെറുതല്ലാത്ത പങ്ക് വഹിക്കുന്നുണ്ടെന്നും സമ്മേളനം ചൂണ്ടിക്കാട്ടി.
സമ്മേളനം വിസ്ഡം സ്റ്റുഡൻറ്സ് ജില്ലാ സെക്രട്ടറി മുഹമ്മദ് സ്വാലിഹ് അൽ ഹികമി ഉദ്ഘാടനം ചെയ്തു. വിസ്ഡം ഇസ്ലാമിക് സ്റ്റുഡന്റ്സ് ഓർഗനൈസേഷൻ പൂനൂർ മണ്ഡലം പ്രസിഡന്റ് വി.കെ ബാസിം മുഹമ്മദ് അധ്യക്ഷത വഹിച്ചു. വിസ്ഡം ജില്ലാ സെക്രട്ടറി കെ അബ്ദുൽ നാസർ മദനി, മണ്ഡലം പ്രസിഡണ്ട് സംസം അബ്ദുറഹിമാൻ, മണ്ഡലം സെക്രട്ടറി സി.പി സാജിദ്, വിസ്ഡം സ്റ്റുഡൻ്റ്സ് മണ്ഡലം ഭാരവാഹികളായ കെ നിഹാൽറഹ്മാൻ, സി.പി അമീൻ, കെ ആദിൽ അമീൻ, പി.എം സർജാസ്, സി.പി മുഹമ്മദ് അസ് ലം, ഹിഷാം വള്ളിയോത്ത്, അബ്ദുല്ല സ്വബാഹ് സി.പി സംസാരിച്ചു.
വിവിധ വിഷയങ്ങളിൽ പി.കെ അംജദ് മദനി, ജൗഹർ ഒഴുകൂർ കുട്ടികളുമായി സംവദിച്ചു.
സമാപന സംഗമത്തിൽ ഉണ്ണികുളം ഗ്രാമ പഞ്ചായത്ത് മെമ്പർ പി.എച്ച് സിറാജ് ,ടി.ടി. അബ്ദുസലാം, ടി.പി നസീബ്, അലി അർഷാദ് അവേലം, സി.പി സഫീർ, എം.കെ സൈനുൽആബിദ് എന്നിവർ സമ്മാനങ്ങൾ വിതരണം ചെയ്തു. വിസ്ഡം സ്റ്റുഡൻസ് മണ്ഡലം സെക്രട്ടറി നിഹാൽ കക്കാട്ടുമ്മൽ സ്വാഗതവും മണ്ഡലം വൈസ് പ്രസിഡണ്ട് ആദിൽഅമീൻ നന്ദിയും പറഞ്ഞു.
