കൊയിലാണ്ടി: സാക്ഷരതാ മിഷന് നടത്തുന്ന ഹയര് സെക്കണ്ടറി തുല്യതാ ക്ലാസിലൂടെ നടന്നു കയറിയ പത്മിനി ബിരുദവും ബിരുദാനന്തര ബിരുദവും പിന്നിട്ടു. ഇനി ലക്ഷ്യം നിയമ ബിരുദം. കാലിക്കറ്റ് സര്വ്വകലാശാല വിദൂര വിദ്യാഭ്യാസ പദ്ധതിയില് എം.എ.പൊളിറ്റിക്സ് പരീക്ഷയിലാണ് ചെങ്ങോട്ടുകാവ് എടക്കുളം നിടൂളി പത്മിനി ഫസ്റ്റ് ക്ലാസോടെ വിജയിച്ചത്. 63.4 ശതമാനം മാര്ക്കാണ് നേടിയത്.
ജീവിതപ്രയാസങ്ങള് കാരണം എസ്.എസ്.എല്.സി ജയിച്ചതിന് ശേഷം പഠനം തുടരാന് കഴിയാതിരുന്ന പത്മിനി 2016-18 വര്ഷത്തിലാണ് സാക്ഷരതാ മിഷന് നടത്തുന്ന ഹയര് സെക്കണ്ടറി തുല്യതാ കോഴ്സില് ചേര്ന്നത്. കൊയിലാണ്ടി ജി.വി.എച്ച്.എസ്.എസ് കേന്ദ്രമാക്കിയായിരുന്നു പഠനം. പ്ലസ്ടു തുല്യതാ കോഴ്സ് പൂര്ത്തിയാക്കിയ ശേഷം ബി.എ പൊളിറ്റിക്സിന് ചേര്ന്നു. തുടര്ന്നാണ് കാലിക്കറ്റ് യൂണിവേഴ്സിറ്റിയുടെ വിദൂര വിദ്യഭ്യാസ പദ്ധതിയിലൂടെ എം.എ കോഴ്സില് ചേര്ന്നത്.
ചേമഞ്ചേരി നെയ്ത്തു കേന്ദ്രത്തിലെ ജീവനക്കാരിയാണ് പത്മിനി. ജോലിത്തിരക്കിനിടയിലാണ് പഠനം. ഇതിനിടയില് സാമൂഹിക പ്രവര്ത്തനവുമുണ്ട്. സി.പി.എം പ്രവര്ത്തകയായ ഇവര് നിറവ് കുടുംബശ്രി അംഗം കൂടിയാണ്.
എം.എ പൊളിറ്റിക്സ് പരീക്ഷയില് ഫസ്റ്റ് ക്ലാസോടെ വിജയം; നിടൂളി പത്മിനിയ്ക്ക് ഇത് അഭിമാന നേട്ടം
Latest from Local News
തിരുവങ്ങൂർ ഹയർ സെക്കൻഡറി സ്കൂൾ നാഷണൽ സർവീസ് സ്കീം യൂണിറ്റ് പൊയിൽക്കാവ് യുപി സ്കൂളിൽ വെച്ച് നടത്തിയ സപ്തദിന സഹവാസ ക്യാമ്പിൻ്റെ
മുനിസിപ്പൽ കൗൺസിലറായി തിരഞ്ഞെടുക്കപ്പെട്ട ഐഎൻടിസി ഭാരവാഹി ഖാദർ പെരുവട്ടൂരിന് ഐഎൻടിയുസി ഓട്ടോ സെക്ഷൻ കൊയിലാണ്ടി അനുമോദിച്ചു. ഡിസിസി പ്രസിഡന്റ് അഡ്വ. കെ
താമരശ്ശേരിയില് വാടക ഫ്ളാറ്റില് യുവതി തൂങ്ങിമരിച്ച നിലയില്. കൈതപ്പൊയില് ഹൈസണ് അപ്പാര്ട്മെന്റില് താമസിച്ചിരുന്ന ഹസ്നയാണ് (34) മരിച്ചത്. കാക്കൂര് ഈന്താട് മുണ്ടപ്പുറത്തുമ്മല്
അരിക്കുളം തറമലങ്ങാടിയിൽ തെങ്ങ് കടപുഴകി വീണു വയോധികൻ മരിച്ചു. വേട്ടർ കണ്ടി ചന്തു (80) വാണ് മരിച്ചത്. ബുധനാഴ്ച വൈകീട്ടായിരുന്നു അപകടം.
കൊയിലാണ്ടി റോഡ് പണി കഴിഞ്ഞ ഉടനതന്നെ കാലതാമസം വരുത്താതെ അതാത് പോയിന്റിൽ സീബ്ര ലൈൻ വരക്കണമെന്ന് കേരള വ്യാപാരി വ്യവസായി