ദേ​ശീ​യ പ​രീ​ക്ഷ ഏ​ജ​ൻ​സി റി​ക്രൂ​ട്ട്മെ​ന്റ് പ​രീ​ക്ഷ നടത്തിപ്പിൽ നിന്നും പിന്മാറാനൊരുങ്ങുന്നു

ദേ​ശീ​യ പ​രീ​ക്ഷ ഏ​ജ​ൻ​സി (എ​ൻടിഎ) റി​ക്രൂ​ട്ട്മെ​ന്റ് പ​രീ​ക്ഷ നടത്തിപ്പിൽ നിന്നും പിന്മാറാനൊരുങ്ങുന്നു. ഇ​നി മു​ത​ൽ റി​ക്രൂ​ട്ട്മെ​ന്റ് പ​രീ​ക്ഷ ന​ട​ത്തി​ല്ലെ​ന്നും ഉ​ന്ന​ത വി​ദ്യാ​ഭ്യാ​സ മ​ന്ത്രാ​ല​യ​ങ്ങ​ളി​ലേ​​ക്കു​ള്ള പ്ര​വേ​ശ​ന പ​രീ​ക്ഷ​യി​ൽ ​ശ്ര​ദ്ധ കേ​ന്ദ്രീ​ക​രി​ക്കു​മെ​ന്നും വി​ദ്യാ​ഭ്യാ​സ മ​ന്ത്രി ധ​ർ​മേ​ന്ദ്ര പ്ര​ധാ​ൻ പറഞ്ഞു. ദേ​ശീ​യ മെ​ഡി​ക്ക​ൽ പ്ര​വേ​ശ​ന പ​രീ​ക്ഷ എ​ഴു​ത്തു​പ​രീ​ക്ഷ​യാ​യി തു​ട​ര​ണോ ക​മ്പ്യൂ​ട്ട​ർ അ​ധി​ഷ്ഠി​ത​മാ​ക്ക​ണോ എ​ന്ന​തി​ൽ ആ​രോ​ഗ്യ​ മ​ന്ത്രാ​ല​യ​വു​മാ​യി ച​ർ​ച്ച തു​ട​രു​ക​യാ​ണെന്നും അദ്ദേഹം വ്യക്തമാക്കി.

ഇ​തു​സം​ബ​ന്ധി​ച്ച് ആ​രോ​ഗ്യ​മ​ന്ത്രി ജെപി ന​ദ്ദയു​മാ​യി ച​ർ​ച്ച ന​ട​ത്തി​യി​ട്ടു​ണ്ട്. കോ​മ​ണ്‍ യൂ​നി​വേ​ഴ്‌​സി​റ്റി എ​ന്‍ട്ര​ന്‍സ് ടെ​സ്റ്റ് (സി​യുഇടി) വ​ർ​ഷ​ത്തി​ൽ ഒ​രി​ക്ക​ൽ ന​ട​ത്തു​ന്ന​ത് തു​ട​രും. ​പരീ​ക്ഷ ന​ട​ത്തി​പ്പിനും കു​റ്റ​മ​റ്റ രീ​തി​യി​ലു​ള്ള പ​രി​ശോ​ധ​ന തു​ട​ങ്ങി​യ​വ ഉ​റ​പ്പാ​ക്കാ​നും എ​ൻ​ടിഎ​യു​ടെ പ്ര​വ​ര്‍ത്ത​നങ്ങളിൽ മാ​റ്റം വ​രു​ത്തു​മെ​ന്നും മ​ന്ത്രി കൂട്ടിച്ചേർത്തു.

ദേ​ശീ​യ മെ​ഡി​ക്ക​ൽ പ്ര​വേ​ശ​ന പ​രീ​ക്ഷ (നീ​റ്റ് യുജി) ചോ​ദ്യം ചോ​ർ​ന്ന​തു​മാ​യി ബ​ന്ധ​പ്പെ​ട്ട് പ്ര​തി​ഷേ​ധം ഉ​യ​ർ​ന്ന​തോ​ടെ രൂ​പ​വ​ത്ക​രി​ച്ച ഉ​ന്ന​താ​ധി​കാ​ര സ​മി​തി പ്ര​വേ​ശ​ന പ​രീ​ക്ഷ​യി​ൽ കേ​ന്ദ്രീ​ക​രി​ക്കാ​ൻ ശി​പാ​ർ​ശ ചെ​യ്തി​രു​ന്നു. 2025ൽ എൻടിഎ പുനഃസംഘടിപ്പിക്കുമെന്നും പ്രധാൻ പറഞ്ഞു. ‘2025-ൽ ഏജൻസി പുനഃക്രമീകരിക്കും, കുറഞ്ഞത് പത്ത് പുതിയ തസ്തികകളെങ്കിലും സൃഷ്ടിക്കും. കൂടാതെ സീറോ-എറർ ടെസ്റ്റിംഗ് ഉണ്ടെന്ന് ഉറപ്പാക്കാൻ എൻടിഎയുടെ പ്രവർത്തനത്തിൽ നിരവധി മാറ്റങ്ങളുണ്ടാകുമെന്നും മന്ത്രി വ്യക്തമാക്കി.