മുതുകുന്നു മല സംരക്ഷിക്കാൻ ബഹുജനങ്ങളെ അണിനിരത്തും, കോൺഗ്രസ്‌

പേരാമ്പ്ര. മുതുകുന്നു മലയിൽ നിന്ന് അനധികൃതമായി മണ്ണെടുത്ത് പ്രദേശത്തെജനങ്ങൾക്ക് വലിയ ദുരന്തം വരുത്തുന്ന ഖനനംഅനുവദിക്കില്ലെന്ന് നൊച്ചാട് മണ്ഡലം കോൺഗ്രസ്‌ കമ്മിറ്റി വാർത്ത സമ്മേളനത്തിൽ അറിയിച്ചു.മുതുകുന്നുമലയിൽ നിന്ന് 95.05മെട്രിക്ടൺ മണ്ണ്അഞ്ച് മാസം കൊണ്ട് നീക്കം ചെയ്യാൻ കൊടുത്തഅനുമതി ദുരൂഹമാണ്.ജലജീവൻ മിഷന്റെ ഇരുപതിനായിരം ലിറ്റർ ടാങ്ക്, സ്മശാനം, മുതുകുന്നുമ്മൽ ദേവ സ്ഥാനം, മലയൻകോട്ട് പാറ ഭജന മഠം ഇവിടെയാണ് സ്ഥിതി ചെയ്യുന്നത്. അരിക്കുളം, നൊച്ചാട് പഞ്ചായത്ത് പരിധിയിൽ വരുന്ന പ്രസ്തുത പ്രദേശത്തെ കുന്ന് ഇടിച്ചു നിരത്താൻ നൽകിയ അനുമതി റദ്ദ്ധാക്കണമെന്നും വാർത്ത സമ്മേളനത്തിൽ അവശ്യപ്പെട്ടു. മണ്ഡലം പ്രസിഡന്റ് വി വി ദിനേശൻ, ബ്ലോക്ക്‌ കോൺഗ്രസ്‌ പ്രസിഡന്റ് കെ മധു കൃഷ്ണൻ, പി എം പ്രകാശൻ, സി കെ അജീഷ്, ഷിജു കെ ദാസ് സംബന്ധിച്ചു.