വെളിയണ്ണൂർ കാവ് ഭഗവതി ക്ഷേത്രം കാർത്തിക വിളക്ക് ആറാട്ട് മഹോത്സവത്തിന് കൊടിയേറി

കൊയിലാണ്ടി: നടേരി കാവുംവട്ടം വെളിയണ്ണൂർ കാവ് ഭഗവതി ക്ഷേത്രത്തിൽ കാർത്തിക വിളക്ക് ആറാട്ട് മഹോത്സവത്തിന് കൊടിയേറി. തിങ്കളാഴ്ച രാത്രി നടന്ന കൊടിയേറ്റത്തിന് തന്ത്രി കാട്ടുമാടം അഭിനവ് അനിൽ നമ്പൂതിരിപ്പാട്, ദാമോദരൻ നമ്പൂതിരി എന്നിവർ മുഖ്യ കാർമ്മികത്വം വഹിച്ചു. തുടർന്ന് ഭഗത് കാവും വട്ടത്തിന്റെ തായമ്പക അരങ്ങേറ്റം നടന്നു. 10 ന് നവീൻരാജ്, യദു, യദുകൃഷ്ണ എന്നിവരുടെ ത്രിത്തായമ്പക, 11 ന് പ്രഭാഷണം, കേളികൊട്ട്, വെളിയണ്ണൂർ സത്യൻ മാരാരുടെ തായമ്പക, 12 ന് ഇളനീർക്കും വരവ് താലപ്പൊലി, പാണ്ടിമേളം, 13 ന് കാർത്തികദീപം തെളിയിക്കൽ, പുറത്തെഴുന്നള്ളിക്കൽ, പള്ളിവേട്ട, 14 ന് ആറാട്ടോടെ ഉത്സവം സമാപിക്കും.