പുതിയ ജനപ്രതിനിധികളായ യു.ആര്. പ്രദീപും രാഹുല് മാങ്കൂട്ടത്തിലും സത്യപ്രതിജ്ഞ ചെയ്തു. നിയമസഭ സ്പീക്കര് എ.എൻ ഷംസീര് സത്യവാചകം ചൊല്ലികൊടുത്തു. നിയമസഭാ സമുച്ചയത്തിലെ മെമ്പേഴ്സ് ലൗഞ്ചിൽ നടന്ന ചടങ്ങിൽ മുഖ്യമന്ത്രിയും പ്രതിപക്ഷ നേതാവും വിവിധ കക്ഷി നേതാക്കളും പങ്കെടുത്തു. യു.ആര് പ്രദീപ് ആണ് ആദ്യം സത്യപ്രതിജ്ഞ ചെയ്തത്. സഗൗരവമായിരുന്നു സത്യപ്രതിജ്ഞ. സഭയിലെ കന്നിയംഗമായ രാഹുലിന്റെ സത്യപ്രതിജ്ഞ ദൈവനാമത്തിലായിരുന്നു. ഇത് രണ്ടാം തവണയാണ് യു.ആര്.പ്രദീപ് നിയമസഭാംഗമാകുന്നത്.
