നമ്പ്രത്ത്കര: നമ്പ്രത്ത്കര യു.പി സ്കൂൾ നൂറാം വാർഷിക ആഘോഷത്തിന്റെ ഭാഗമായി നടത്തുന്ന നൂറ് ഇന പരിപാടികളിൽ ഒന്നായ പൂർവാധ്യാപക പൂർവവിദ്യാർഥി സംഗമം നടന്നു. പൂർവവിദ്യർഥിയും പേരാമ്പ്ര നിയോജകമണ്ഡലം എംഎൽഎയുമായ ശ്രീ ടി പി രാമകൃഷ്ണൻ ഉദ്ഘാടനം ചെയ്തു.നാടകം, സിനിമ, എഴുത്ത് എന്നീ മേഖലകളിൽ പ്രസിദ്ധനായ ശ്രീ ശിവദാസ് പൊയിൽക്കാവ് മുഖ്യപ്രഭാഷണം നടത്തി. സ്കൂൾ മാനേജർ ശ്രീ കുനിയിൽ രാഘവനെ വേദിയിൽ പൊന്നാട അണിയിച്ച് ആദരിച്ചു. തുടർന്ന് സ്കൂളിൽ ദീർഘകാലം സേവനമനുഷ്ഠിച്ച പൂർവാധ്യാപകരെ പൂർവ വിദ്യാർഥികൾ ഉപഹാരം നൽകി ആദരിച്ചു. ചടങ്ങിന് പ്രധാനാധ്യാപിക സുഗന്ധി ടി.പി സ്വാഗതം പറഞ്ഞു. പിടിഎ പ്രസിഡൻ്റ് രഞ്ജിത് നിഹാര അധ്യക്ഷനായി. കീഴരിയൂർ ഗ്രാമപഞ്ചായത്ത് അംഗങ്ങളായ കെ സി രാജൻ, അമൽ സരാഗ, എം പി ടി എ പ്രസിഡൻ്റ് ഉമയ് ഭാനു, പൂർവ വിദ്യാർഥി പ്രതിനിധികളായി ചാലിൽ നാരായണൻ, ഓ കെ സുരേഷ്, സുനിൽ പാണ്ടിയാടത്ത്, പ്രോഗ്രാം കമ്മിറ്റി ചെയർമാൻ കെ സി സുരേഷ്, അധ്യാപക പ്രതിനിധി സിന്ധു കെ കെ, മാനേജ്മെൻ്റ് പ്രതിനിധി അസിത കെ ആർ എന്നിവർ സംസാരിച്ചു. പൂർവാധ്യാപക പ്രതിനിധികളായി കെ പി ശങ്കരൻ മാസ്റ്റർ, കരുണൻ മാസ്റ്റർ, പി രത്നവല്ലി ടീച്ചർ, കെ കെ ഗംഗാധരക്കുറുപ്പ് മാസ്റ്റർ, പി ഗംഗാധരൻ മാസ്റ്റർ, കെ ശങ്കരൻ മാസ്റ്റർ, എന്നിവർ മറുപടി ഭാഷണം നടത്തി. സ്റ്റാഫ് സെക്രട്ടറി ഗോപീഷ് ജി.എസ് ചടങ്ങിന് നന്ദി പറഞ്ഞു. തുടർന്ന് പൂർവ വിദ്യാർഥിയും പ്രശസ്ത കലാകാരനുമായ മധുലാൽ കൊയിലാണ്ടിയുടെ കോമഡി ഷോ നടന്നു. ക്ലാസിക്കൽ നൃത്തം, സംഘനൃത്തം, കരോക്കെ ഗാനമേള തുടങ്ങിയവയും ഇതോടൊപ്പം നടന്നു.
