കോഴിക്കോട് മേഖല പ്രാഥമിക മത്സരം ഡിസംബർ മൂന്നിന്‌ കാരപ്പറമ്പ് ജി എച്ച് എസ് എസ്സിൽഅന്താരാഷ്ട്ര പുസ്തകോത്സവത്തിൻ്റെ മൂന്നാം എഡിഷൻ്റെ ഭാഗമായി ഹൈസ്കൂൾ, ഹയർസെക്കണ്ടറി വിദ്യാർത്ഥികൾ, കോളേജ് (ബിരുദ, ബിരുദാനന്തര) വിദ്യാർത്ഥികൾ, പൊതുജനങ്ങൾ എന്നീ വിഭാഗങ്ങൾക്കായി ക്വിസ് മത്സരങ്ങൾ സംഘടിപ്പിക്കുന്നു. സ്ക്കൂൾ, കോളേജ് വിദ്യാർത്ഥികൾക്കായി കോഴിക്കോട്, കണ്ണൂർ, എറണാകുളം, കോട്ടയം, തിരുവനന്തപുരം മേഖലകളിലായി പ്രാഥമിക മത്സരങ്ങളും നിയമസഭ മന്ദിരത്തിൽ വച്ച് ഫൈനൽ മത്സരങ്ങളും സംഘടിപ്പിക്കും.
പൊതുജനങ്ങൾക്കായുളള പ്രാഥമിക, ഫൈനൽ മത്സരങ്ങൾ നിയമസഭ മന്ദിരത്തിൽ വച്ച് നടത്തും.
വിദ്യാർത്ഥി വിഭാഗത്തിൽ ഒരു സ്കൂൾ/കോളേജിൽ നിന്നും പരമാവധി 2 ടീമുകൾക്ക് പങ്കെടുക്കാം. ഈ വിഭാഗത്തിലെ കോഴിക്കോട് മേഖല (വയനാട്, കോഴിക്കോട്, മലപ്പുറം ജില്ലകൾ) പ്രാഥമിക മത്സരം ഡിസംബർ മൂന്നിന്‌ കോഴിക്കോട് കാരപ്പറമ്പ് ജി എച്ച് എസ് എസ്സിൽ നടക്കും. രജിസ്ട്രേഷനുള്ള അവസാന തീയതി നവംബർ 26.
രജിസ്ട്രേഷനും കൂടുതൽ വിവരങ്ങൾക്കും www.klibf.niyamasabha.org സന്ദർശിക്കണം.
