മണ്ഡല മകരവിളക്ക് കാലത്ത് തീർത്ഥാടകർ കൂടുതലായി എത്തുന്ന നിലയ്ക്കൽ ഉൾപ്പെടെ തിരുവിതാംകൂർ ദേവസ്വം ബോർഡിന് കീഴിലുള്ള ആറ് ക്ഷേത്രങ്ങളിലെ അരവണപ്രസാദത്തിന്റെ വില കൂട്ടാൻ തീരുമാനം. അരവണയുടെ വില 20 രൂപാ നിരക്കിൽ കൂട്ടാനാണ് ദേവസ്വം ബോർഡ് തീരുമാനം.
നിലയ്ക്കൽ, പന്തളം, എരുമേലി, അച്ചൻകോവിൽ, ആര്യങ്കാവ്, കുളത്തൂപ്പുഴ ക്ഷേത്രങ്ങളിലെ അരവണയുടെ നിരക്ക് 65 രൂപയിൽ നിന്നും 85 രൂപയായി വർധിപ്പിക്കാനാണ് ദേവസ്വംബോർഡ് തീരുമാനം. നിരക്ക് കൂട്ടാൻ ഹൈക്കോടതിയുടെ അനുമതി ആവശ്യമുണ്ട്. ഇതിനുവേണ്ടി ലോ ഓഫീസറെ ചുമതലപ്പെടുത്തിയിട്ടുണ്ട്.
