കോഴിക്കോട്: മലയാള വാരാഘോഷത്തോടനുബന്ധിച്ച് പത്രഭാഷയും സാഹിത്യ ഭാഷയും എന്ന വിഷയത്തിൽ ചർച്ച സംഘടിപ്പിച്ച് ഭാഷാസമന്വയ വേദി. ഡോ.സി.രാജേന്ദ്രൻ പരിപാടി ഉദ്ഘാടനം ചെയ്തു. ഡോ. പി.കെ.രാധാമണി അധ്യക്ഷയായിരുന്നു. പത്രപ്രവർത്തകയും യുവ നോവലിസ്റ്റുമായ അനന്യ ജി. പത്രഭാഷയും സാഹിത്യ ഭാഷയും എന്ന വിഷയമവതരിപ്പിച്ചു. വിവർത്തന പഠനത്തിന് ഭാരതീയ അനുവാദ് പരിഷത്തിൻ്റ നാതാലിപുരസ്കാരം ലഭിച്ച ഡോ.ആർസുവിനെ ആദരിച്ചു. അമർനാഥ് പള്ളത്ത് ഷാളണിയിച്ചു.പി.ടി രാജലക്ഷ്മി ഉപഹാരം നൽകി. ഡോ.ഒ വാസവൻ, കെ.ജി.രഘുനാഥ്, ഡോ.സി.സേതുമാധവൻ, രമ ചെപ്പ്, ഒ.കുഞ്ഞിക്കണാരൻ, ഇ.കെ. സ്വർണ്ണകുമാരി എന്നിവർ സംസാരിച്ചു. ഗുജറാത്തി മാതൃഭാഷയായ ആർ.ജയന്ത് കുമാർ തൻ്റെ മലയാള ഭാഷാ പഠനാനുഭവങ്ങൾ പങ്കുവെച്ചു.കെ.എംവേണുഗോപാൽ കവിത ആലപിച്ചു.
