വയനാട് ഉപതിരഞ്ഞെടുപ്പ് പ്രചാരണത്തിനായി പ്രിയങ്ക ഗാന്ധിയും രാഹുൽ ഗാന്ധിയും നാളെ വയനാട്ടിലെത്തും. മൂന്നാംഘട്ട തെരഞ്ഞടുപ്പ് പ്രചാരണത്തിനായാണ് ഇരുവരും എത്തുന്നത്. നാളെ രാവിലെ 11 മണിക്ക് മാനന്തവാടി ഗാന്ധി പാർക്കിലെ പൊതുയോഗത്തിലാണ് രാഹുലും പ്രിയങ്കയും പങ്കെടുക്കുന്നത്. പരിപാടിക്ക് ശേഷം രാഹുൽ ഗാന്ധി ഉച്ചയ്ക്ക് മൂന്ന് മണിയോടെ മലപ്പുറം അരീക്കോട്ടെ പൊതുയോഗത്തിൽ പങ്കെടുക്കുമെന്നാണ് വിവരം.
