ഉപതിരഞ്ഞെടുപ്പ് നടക്കുന്ന വയനാട്, പാലക്കാട്, ചേലക്കര മണ്ഡലങ്ങളിലെ നാമനിര്ദേശ പത്രികകളുടെ സൂക്ഷ്മ പരിശോധന പൂര്ത്തിയായി. സൂഷ്മപരിശോധനയ്ക്ക് ശേഷം വയനാട് ലോക്സഭാ മണ്ഡലത്തില് 16 സ്ഥാനാര്ത്ഥികളും പാലക്കാട് ലോക്സഭ മണ്ഡലത്തില് 12 സ്ഥാനാര്ത്ഥികളും ചേലക്കരയില് ഏഴ് സ്ഥാനാര്ത്ഥികളുമാണ് മത്സര രംഗത്ത് ഉള്ളത്. നാളെയാണ് പത്രിക പിന്വലിക്കാനുള്ള അവസാന തിയതി.
കനത്ത മത്സരം നടക്കുന്ന പാലക്കാട് മണ്ഡലത്തില് സൂക്ഷ്മ പരിശോധനയില് നാല് പേരുടെ പത്രിക തള്ളി. 12 സ്ഥാനാര്ഥികളാണ് പാലക്കാട് മത്സര രംഗത്തുള്ളത്. യുഡിഎഫ് സ്ഥാനാര്ഥിയായ രാഹുല് മാങ്കൂട്ടത്തിലിന് രണ്ട് അപരന്മാരുണ്ട്. രാഹുല് മാങ്കൂട്ടത്തില് (ഐഎന്സി), സരിന്.പി (എല്ഡിഎഫ് സ്വതന്ത്രന്), സി. കൃഷ്ണകുമാര് (ബിജെപി), രാഹുല്.ആര് മണലാഴി വീട് (സ്വതന്ത്രന്), ഷമീര്.ബി (സ്വതന്ത്രന്), രമേഷ് കുമാര് (സ്വതന്ത്രന്), സിദ്ധീഖ്. വി (സ്വതന്ത്രന്), രാഹുല് ആര്.വടക്കാന്തറ (സ്വതന്ത്രന്), സെല്വന്. എസ് (സ്വതന്ത്രന്), കെ. ബിനുമോള് (സിപിഎം- ഡെമ്മി), രാജേഷ്.എം (സ്വതന്ത്രന്), എന്.ശശികുമാര് (സ്വതന്ത്രന്) എന്നിവരാണ് പാലക്കാട് മണ്ഡലത്തിലെ സ്ഥാനാര്ഥികള്.
യു.ആര്. പ്രദീപ് (സിപിഎം), കെ.ബാലകൃഷ്ണന് (ഭാരതീയ ജനതാ പാര്ട്ടി), രമ്യ ഹരിദാസ് (ഇന്ത്യന് നാഷനല് കോണ്ഗ്രസ്) എന്നിവരാണ് ചേലക്കരയിലെ പ്രധാന സ്ഥാനാര്ഥികള്.
വയനാട് ലോക്സഭ മണ്ഡലത്തില് പ്രിയങ്ക ഗാന്ധി വാദ്ര (ഇന്ത്യന് നാഷനല് കോണ്ഗ്രസ്), സത്യന് മൊകേരി (സിപിഐ), നവ്യാ ഹരിദാസ് (ഭാരതീയ ജനതാ പാര്ട്ടി), ഗോപാല് സ്വരൂപ് ഗാന്ധി (കിസാന് മജ്ദൂര് ബറോജ്ഗര് സംഘ് പാര്ട്ടി), ജയേന്ദ്ര കര്ഷന്ഭായി റാത്തോഡ് (റൈറ്റ് ടു റീകോള് പാര്ട്ടി), ഷെയ്ക്ക് ജലീല് (നവരംഗ് കോണ്ഗ്രസ് പാര്ട്ടി), ദുഗിറാല നാഗേശ്വര റാവൂ (ജതിയ ജനസേവ പാര്ട്ടി), എ.സീത (ബഹുജന് ദ്രാവിഡ പാര്ട്ടി), സ്വതന്ത്ര സ്ഥാനാര്ഥികളായ അജിത്ത് കുമാര്, ഇസ്മയില് സബിഉള്ള, എ. നൂര്മുഹമ്മദ്, ഡോ. കെ. പത്മരാജന്, ആര്. രാജന്, രുഗ്മിണി, സന്തോഷ് ജോസഫ്, സോനുസിങ് യാദവ് എന്നിവരുടെ പത്രികകളാണ് സ്വീകരിച്ചത്.
