കോഴിക്കോട് നല്ലളം ഭാഗത്തുനിന്നും 50 ഗ്രാം എം ഡി എം എ യുമായി യുവാവ് പിടിയിൽ.വാപ്പാലയിൽ താഴം സ്വദേശി വിഷ്ണുദേവിനെ (ഉണ്ണി ) നാർക്കോട്ടിക് സെൽ അസിസ്റ്റൻറ് കമ്മീഷണർ കെ എ ബോസിന്റെ നേതൃത്വത്തിലുള്ള ഡാൻസാഫും നല്ലളം പോലീസും ചേർന്ന് പിടികൂടിയത്.ഇയാൾ ബാംഗ്ലൂരിൽ നിന്നും ചില്ലറ വില്പനയ്ക്കായി നാട്ടിൽ കൊണ്ടുവന്ന വിപണിയിൽ രണ്ട് ലക്ഷം രൂപയോളം വില വരുന്ന രാസലഹരി ഇയാളുടെ വീട്ടിൽ നിന്നാണ് പോലീസ് കണ്ടെടുത്തത്. നാളുകളായി പ്രതി പോലീസ് നിരീക്ഷണത്തിലായിരുന്നു . സ്കൂൾ,കോളേജുകൾ കേന്ദ്രീകരിച്ചു ചില്ലറ വിൽപ്പനക്കാ യി കൊണ്ടുവന്നതാണിത്. ഇയാളിൽ നിന്നും മറ്റ് വില്പനക്കാരുടെ വിവരങ്ങൾ പോലീസിന് ലഭിച്ചിട്ടുണ്ട്. അവരെയും നിരീക്ഷിച്ചു വരികയാണ്.രണ്ടാഴ്ച മുൻപ് ഫറോക്ക് അടിവാരത്തുനിന്നും 100 gm എം ഡി എം എ യുമായി പയ്യാനക്കൽ സ്വദേശി നന്ദകുമാറിനെ പോലീസ് പിടികൂടിയിരുന്നു.
ഡെൻസാഫ് എസ് ഐ മനോജ് എടയേടത്, എസ് സി പി ഒ അഖിലേഷ് കെ, സി പി ഒ മാരായ സുനോജ് കാരയിൽ, സരുൺകുമാർ, ഷിനോജ് മംഗലശ്ശേരി, ശ്രീശാന്ത് എൻ കെ ,അഭിജിത്ത് പി, അതുൽ ഇ വി, മുഹമ്മദ് മഷ്ഹൂർ , നല്ലളം സ്റ്റേഷനിലെ എസ് ഐ മാരായ പ്രദീപ് എം, മനോജ് കുമാർ പിടി, ദിലീപ് പി, മനോജ് കുമാർ കെ , എസ് സി പി ഓ മാരായ ശാലിനി പി, മുഹമ്മദ് പി എന്നിവരാണ് അന്വേഷണ സംഘത്തിൽ ഉണ്ടായിരുന്നത്.
