തിരുവള്ളൂർ: വടകര – മാഹി കനാൽ പദ്ധതിയിൽ ഉൾപ്പെടുത്തി തിരുവള്ളൂർ പഞ്ചായത്തിനെയും മണിയൂർ പഞ്ചായത്തിനെയും ബന്ധിപ്പിച്ചു മാങ്ങാമൂഴിയിൽ പാലം നിർമ്മിച്ച സാഹചര്യത്തിൽ ചെരണ്ടത്തൂർ മുതൽ ചാനിയം കടവ് വരെയുള്ള റോഡ് വീതി കൂട്ടി ആധുനിക രീതിയിൽ ടാർ ചെയ്യാൻ ഫണ്ട് അനുവദിക്കണമെന്ന് സേവാദൾ വില്ല്യാപ്പള്ളി ബ്ലോക്ക്‌ കൺവെൻഷൻ ആവശ്യപ്പെട്ടു.
നിരവധി ടൂറിസം പദ്ധതികൾക്ക് അനുയോജൃമായ സ്ഥലമാണ് മങ്ങാംമൂഴി. സേവാദൾ നിയോജകമണ്ഡലം പ്രസിഡൻറ് പ്രശാന്ത് കരുവഞ്ചേരി അ ധ്യക്ഷത വഹിച്ചു. കൺവെൻഷൻ മുൻ കെ പി സി സി മെമ്പർ അച്യുതൻ പുതിയെടുത്ത് ഉദ്ഘാടനം ചെയ്തു. കാവിൽ രാധാകൃഷ്ണൻ, പി.സി.ഷീബ, പുഷ്പാംഗദൻ, ബിജുപ്രസാദ്, ഹരീഷ്, സനീഷ്. ഒ.പി,വി. കെ.ഇസ്ഹാഖ്, ലിബീഷ്.കെ ,ധനേഷ് വള്ളിൽ,വി.കെ.സി.ജാബിർ,രുധീഷ് തോടന്നൂർ എന്നിവർ സംസാരിച്ചു. പുതുതായി നിയമിതനായ സേവാദൾ ബ്ലോക്ക്‌ പ്രസിഡണ്ട് ഗിമേഷ് മങ്കര ചുമതല ഏറ്റെടുത്തു.
