കോഴിക്കോട് : യുവജന ശാക്തീകരണത്തിന് കേന്ദ്ര സംസ്ഥാന ഗവൺമെന്റുകൾ നൂതന പദ്ധതികൾ ആവിഷ്കരിക്കണമെന്ന് കേരള യൂത്ത് പ്രമോഷൻ കൗൺസിൽ ജില്ലാ നേതൃയോഗം ആവശ്യപ്പെട്ടു. ബീച്ചിൽ നടന്ന ജില്ലാ കൺവെൻഷൻ സംസ്ഥാന ചെയർമാൻ സുമൻജിത്ത്മിഷ ഉദ്ഘാടനം ചെയ്തു.
ജില്ലാ കൺവീനർ അഡ്വ. സുധിൻ സുരേഷ് അധ്യക്ഷതയിൽ സംസ്ഥാന ജനറൽ സെക്രട്ടറി അരുൺ ഭാരതീയൻ ആമുഖ പ്രഭാഷണം നടത്തി. കേരള സർവോദയ മണ്ഡലം സംസ്ഥാന പ്രസിഡന്റ് ടി കെ എ അസീസ് അംഗത്വ കാർഡ് വിതരണം ഉദ്ഘാടനം ചെയ്തു. തുടർന്ന് പീസ് ക്ലബ്ബുകളുടെ പ്രവർത്തനത്തെക്കുറിച്ച് കണ്ണൂർ ജില്ലാ കൺവീനർ ജലീൽ കീച്ചേരി വിശദീകരിച്ചു. അരുൺ ചന്ദ്, സിനീഷ്. എസ് എന്നിവർ പ്രസംഗിച്ചു.
ജില്ലാ ഭാരവാഹികൾ ടി.കെ.എ അസീസ്, കെ. ബാലരാമൻ (രക്ഷാധികാരികൾ)അഡ്വ.സുധിൻ സുരേഷ് (ജില്ലാ കൺവീനർ) ഡോ. അഭിജിത്ത് (ജില്ലാ കോ ഓർഡിനേറ്റർ)സിനീഷ്.എസ്,കെ ബി നജുമുദീൻ (ജില്ലാ ജോയിന്റ് കൺവീനർമാർ) എന്നിവരെ യോഗം തെരഞ്ഞെടുത്തു.
