ചേലിയ കഥകളി കഥകളി വിദ്യാലയത്തിലെ കുചേലവൃത്തം കഥകളി കാണികൾക്ക് കൗതുകമായി. നവരാത്രി ആഘോഷ പരിപാടികളുടെ ഭാഗമായി അവതരിപ്പിച്ച കുചേലവൃത്തം കഥകളിയാണ് അഭിനേതാക്കളുടെ അപൂർവ്വത കൊണ്ട് ശ്രദ്ധേയമായത്. കുചേലനായി കലാമണ്ഡലം പ്രേംകുമാറും കൃഷ്ണനായി മകൾ ആർദ്രയും വേദിയിൽ നിറഞ്ഞാടി. കുമാരി നന്ദിനി രുഗ്മിണിയായി വേഷമിട്ടു. നന്ദിനിയുടെ അച്ഛൻ കലാമണ്ഡലം ശിവാദാസ് ചെണ്ടയിലും കോട്ടക്കൽ ശബരീഷ് മദ്ദളത്തിലും പക്കമേളമൊരുക്കി. കലാമണ്ഡലം അനിൽ രവി, അശ്വന്ത് എന്നിവർ പാട്ടിലും ലിജീഷ് പൂക്കാട് ചുട്ടിയിലും പങ്കാളികളായി. കഥകളി വിദ്യാലയം സംഗീതാധ്യാപകർ ഒരുക്കിയ സംഗീത സദസ്സും അരങ്ങേറി.
