കീഴരിയൂരിൽ കിടങ്ങിൽ വീണ പോത്തിനെ ഫയർഫോഴ്സും നാട്ടുകാരും ചേർന്ന് രക്ഷപ്പെടുത്തി

കീഴരിയൂരിൽ കിടങ്ങിൽ വീണ പോത്തിനെ ഫയർഫോഴ്സും നാട്ടുകാരും ചേർന്ന് രക്ഷപ്പെടുത്തി. ഞായറാഴ്ച
രാവിലെ 11:30 നാണ് കീഴരിയൂർ പുന്നോളി പി. കെ. എം കുഞ്ഞമ്മദിൻ്റെ പോത്ത് കിടങ്ങിൽ അകപ്പെട്ടത്. വിവരം ലഭിച്ചതിനെ തുടർന്ന് അസിസ്റ്റൻറ് സ്റ്റേഷൻ ഓഫീസർ അനിൽകുമാറിന്റെ നേതൃത്വത്തിൽ കൊയിലാണ്ടി അഗ്നിരക്ഷാസേന സ്ഥലത്തെത്തുകയും പോത്തിനെ രക്ഷപ്പെടുത്തുകയും ചെയ്തു. ഗ്രേഡ് അസിസ്റ്റന്റ് സ്റ്റേഷൻ ഓഫീസർ ഇ പി ജനാർദ്ദനൻ, സിനിയർ ഫയർ ജീവനക്കാരനായ ബി കെ അനൂപ്, ഫയർ ഓഫീസർമാരായ സുകേഷ്, നിതിൻ രാജ്, ലിനീഷ്, രജിലേഷ്, ബിനീഷ്,ഹോം ഗാർഡ് സുജിത്ത് എന്നിവർ രക്ഷപ്രവർത്തനത്തിൽ ഏർപ്പെട്ടു.